2017年7月20日 星期四

周美欣:六合彩中三獎!慘爆周美欣冇夾份呻走寶 __,六合彩,周美欣,

中咗9萬幾蚊但就冇自己份!真係好慘嘅事…8,000萬暑期金多寶六合彩已開彩,藝人周美欣、曹敏寶所屬的公司同事傳來喜訊,成功以小博大贏得三獎得逾9萬獎金 ...


中咗9萬幾蚊但就冇自己份!真係好慘嘅事…

8,000萬暑期金多寶六合彩已開彩,藝人周美欣、曹敏寶所屬的公司同事傳來喜訊,成功以小博大贏得三獎得逾9萬獎金,不過周美欣在電話中卻說只有份戥人高興:「因為佢哋冇叫我一齊夾份買囉!其實我啲同事成日夾份買六合彩複式電腦飛,佢哋19個人夾咗100蚊買,結果中咗三獎,每人分4千幾蚊。」問她可會呻笨?周美欣語帶酸溜溜說:「好好運,我公司行運。」

食番餐沾旺氣

周美欣又指一向很少買六合彩,自問沒有賭運,有時跟朋友打麻雀亦多數做「魚腩」,不過她在6歲時,曾在加拿大發過橫財,她得戚地說:「我試過買馬,用5蚊加幣亂揀,點知跑第一,贏咗百幾蚊加幣,不過啲錢畀晒媽咪儲起。(會唔會屈同事請食飯沾旺氣?)我諗會有餐食,公司同事都對我好好,呢個月我生日,佢哋都幫我開派對慶祝,我仲同我師弟吳智杰合照添。」另外,早前到泰國出席好友婚禮的她,在沙灘拍了一輯性感泳裝照,大晒完美身材。

曹敏寶冇睹運

至於曹敏寶則在電話中說:「我同周美欣講呢餐自助餐走唔甩,希望啲同事自動獻身表達心意啦。(請食自助餐就滿意?)佢哋合共得9萬獎金,唔通要每人送部車咩!」問她下次可會自動要求和同事夾錢再賭過?自言天生沒有賭氣的她笑言,農曆新年時會「賄賂」同事:「我會派大利是,望啲同事有好嘢會益埋我。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...