2017年7月11日 星期二

去到盡!任達華八號波趕返香港影屋邨 __,任達華,

任達華為咗影相真係去到盡!身為圈中攝影發燒友的任達華趁即將舉行的書展,推出自己第三本攝影集,勉勵香港人「春天仍在」,希望喚醒大家沉睡的正能量!今次他出 ...


任達華為咗影相真係去到盡!

身為圈中攝影發燒友的任達華趁即將舉行的書展,推出自己第三本攝影集,勉勵香港人「春天仍在」,希望喚醒大家沉睡的正能量!今次他出錢出力兼走遍全香港,完成自己的作品:「中環、石硤尾、長洲甚至荒蕪孤島都去過,用晒海陸空唔同嘅角度拍出香港美態,想提醒香港人遺忘咗嘅情與景。我仲專登花咗兩日時間,租借老友王敏德嘅直升機高空影落嚟,太太知道唔係咁喜歡,有少少微言嘅,佢覺得咁樣(直升機上俯身拍照)好容易出意外。」

為求拍出自己想要的畫面,任達華更「玩命」於八號風球下向內地劇組請假返港,揸車到屋邨拍攝狂風暴雨的情景。他續謂:「我斷斷續續用咗20日時間影相。我喺灣仔長大,今次為咗影相,我坐咗好多次電車來回,諗番起好多童年嘅回憶,亦發覺有部分景物不再,不過香港情依舊。」

任達華強調出書並非為賺錢:「如果有學校覺得需要嘅話,我好願意免費送書出嚟作教學用途。(出書)我只係覺得依家啲年輕人花太多時間喺科技世界內,燃燒咗好多青春同光陰,應該多啲留意身邊嘅人同事、多啲關心自己嘅屋企人同長輩。」為了在書展內與粉絲作近距離接觸,任達華這幾天忙於在廣州趕拍煞科戲,且計劃書展後帶同太太琦琦及女兒任晴佳往外地旅遊享天倫。

專訪場地提供﹕The Luxe Manor


來源 source: http://hk.on.cc
鍾意就快D Share啦!
Related Posts Plugin for WordPress, Blogger...