網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年7月7日 星期五

眨吓眼就盲咗!張彥博眼大累事 __,張彥博,

Bob喺《踩過界》入面一洗以往靚仔形象。藝人張彥博(Bob)過去劇集之中都係演學生同靚仔角色,不過近日Bob喺無綫劇集《踩過界》中拋開靚仔形象,扮演一 ...


Bob喺《踩過界》入面一洗以往靚仔形象。

藝人張彥博(Bob)過去劇集之中都係演學生同靚仔角色,不過近日Bob喺無綫劇集《踩過界》中拋開靚仔形象,扮演一個智商有障礙嘅角色。Bob話事前佢喺造型方面花咗唔少心思,希望可以突出角色,他說:「今次呢個造型設定比較薯啲,監製同導演都同我傾過,要撇甩我個種靚仔感覺。而眼鏡方面我本身帶咗好多畀監製去試,但監製嫌太可愛,因為個角色係智力有障礙嘅。其實我拍嗰陣,副眼鏡係成日跌落嚟,因為副眼鏡真係好厚,鏡片仲要係用玻璃做。」

平時見阿Bob都會戴下眼鏡,原來只係帶眼鏡框,佢話多年前做咗激光矯視,之不過Bob自爆做完手術之後右眼差啲盲咗,Bob憶述當時情況仍有餘悸,他說:「本身有三百幾度近視同散光,不過已經早喺七八年前做。激光矯視都算係一個輕微嘅手術,我做完之後一隻眼睇到嘢,一隻眼睇唔到嘢。雖然做完睇嘢會矇矇哋,不過醫生嗰陣同我講話係正常,但我返到屋企休息緊嗰陣,右眼痛痛哋兼好矇,我就開始好驚,我就返去再睇醫生。醫生話我個蓋(指角膜)郁咗,可能隻眼太大,眨眼郁咗,醫生最後幫我整番就冇事。但嗰段時間我睇唔到嘢,真係好驚,但好感恩我媽媽一直陪伴我。(有冇作最壞打算?)有呀,諗過盲一半囉!」

場地:牧羊少年咖啡‧茶‧酒館

髮型:Deep Yu@Beijing Hair Culture


來源 source: http://hk.on.cc
鍾意就快D Share啦!