2017年7月5日 星期三

【洗米華陪遊越南補飛】洗米嫂向友人稱不再著緊老公 為仔女先唔離婚 __,洗米華,陳慧玲,洗米嫂,周焯華,

太陽娛樂老闆周焯華緋聞不斷,作為妻子嘅陳慧玲(Heidi)就似乎睇得好化,經常同朋友結伴去外地旅行,仲影埋相擺上網。早前松岡李那與洗米華攬腰熱舞影片曝 ...


太陽娛樂老闆周焯華緋聞不斷,作為妻子嘅陳慧玲(Heidi)就似乎睇得好化,經常同朋友結伴去外地旅行,仲影埋相擺上網。早前松岡李那與洗米華攬腰熱舞影片曝光,洗米嫂索性「離家出走」,帶細女去台灣旅行,冇眼睇。花生價格持續上漲,有人估洗米嫂會提出離婚,但又唔係喎,之前本報收到消息稱,洗米華斥資逾3億,在澳門買豪宅,送俾洗米嫂。而洗米嫂亦有意明年搬入,仲俾洗米華搬返嚟一齊住。最新消息係,當大家焦點擺喺松岡返港解畫之際,原來洗米華已經孖住洗米嫂,去咗越南,仲返咗嚟lu。上月洗米華旗下嘅太陽城集團先至宣佈收購越南會安一個綜合度假村項目34%權益,發展項目主要業務為房地產、酒店服務同旅遊代理業務,項目仲包括總土地面積約985.5公頃嘅旅遊區、綜合度假村及居住區。唔知洗米華此行係咪帶正印巡視業務呢?(新聞連結: http://bit.ly/2tFrvG1 )據洗米華嘅一位朋友透露:「雖然華哥出面好多緋聞,但好似冇影響佢兩公婆關係,上月底佢兩公婆同家人一齊去咗越南旅行,啱啱返嚟,所以Heidi應該唔會同老公離婚」近年洗米嫂寄情喺兩個女同個人事業——時裝及健康產品生意,經已唔太著緊個老公,但為咗保護家人同仔女,先至保持一個完整嘅屋企,所以無論啲風點吹,洗米嫂心情仍然非常好,噚日佢又貼同兩個女嘅合照上社交網站,大女梓潼生得越來越靚,細女羨潼都非常精靈,同爸爸成個餅印咁。有事業又有屋企人錫,夠啦。【最新圖片】松岡李那清晨返港 交代與洗米華關係

http://bit.ly/2sC3u2Y【都係用Rimowa】Mandy返港洗米華專車接 松岡拖舊篋搭機鐵

http://bit.ly/2tmm7F5澄清與異性友人相關報道 周焯華發聲明:影響家人生活

http://bit.ly/2sDdPGT

洗米嫂貼咗同兩個女嘅合照上社交網站,大女梓潼生得越來越靚。(互聯網圖片) 細女羨潼都非常精靈。(互聯網圖片)
近年洗米嫂寄情喺兩位囡囡同事業上,已經唔太著緊個老公。(互聯網圖片) (互聯網圖片) 作為妻子嘅Heidi似乎睇得好化,經常同朋友結伴去外地旅行,仲影埋相擺上網。(互聯網圖片)
洗米嫂得到老公嘅支持,o依家經營緊時裝及健康產品生意,有聲有色。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...