2017年7月27日 星期四

老竇嫌嘉穎冇出息!王馨平重提當年情 __,嘉穎,王馨平,馨平,鄭嘉穎,

分手之後可以做番朋友真係幾難得。歌手王馨平(Linda)與鄭嘉穎以前曾經拍拖,傳聞因王父王羽當年嫌嘉穎「冇出息」而捧打鴛鴦,日前Linda接受好友鄭紹 ...


分手之後可以做番朋友真係幾難得。

歌手王馨平(Linda)與鄭嘉穎以前曾經拍拖,傳聞因王父王羽當年嫌嘉穎「冇出息」而捧打鴛鴦,日前Linda接受好友鄭紹康為奇妙電視主持的「天下第一Friend」訪問時,首次披露當年和嘉穎的分手真相,Linda直認不諱說:「同其他有女嘅父親一樣,爸爸總希望阿女留喺自己身邊,唔想佢結婚!」

大讚陳凱琳

雖然Linda和嘉穎有緣無份,不過二人分手後仍是朋友,早前嘉穎演出歌舞劇,Linda都有捧場。Linda稱:「嘉穎邀請我同老公去欣賞,但老公當日喺北京出差,最後淨係得我去。喺後台我仲見到陳凱琳,佢真係好大方得體!」鄭紹康笑問Linda有沒有趁機催嘉穎結婚?她說:「我會祝福他們!」

不時同嘉穎飯聚

此外,Linda更指她與老公不時與嘉穎飯聚,Linda和老公還會一起「煲」嘉穎主演的劇集,鄭紹康對此覺得不可思議,Linda卻毫不忌諱說:「每個人都有過去,如果只捉緊過去唔放手、唔好好咁去過自己嘅人生,更加奇怪所以我覺得我哋好正常呀!」

老公唔強求生仔

而Linda更講及她與老公的關係,她指她和富商老公李家輝結婚15年,她不諱言兩公婆對生育之事已不再強求。她坦白說:「連人工受孕都試過好多次,依然未有所獲,老公心痛我受苦,索性唔強求,冇小孩子,生活反而自由自在!」

造型性感 老公詐型

早前Linda以大Deep V造型亮相引起嘩然,再提及此時她無奈說:「其實大Deep V位置有肉色薄紗遮掩嘅,只係大家睇唔到薄紗先誤會性感,連老公睇到都詐型!」Linda笑着補充道:「我早就講過我好大膽,依家終於信啦,哈哈!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...