龔嘉欣着得好靚呀！
藝人龔嘉欣出席V city舉行的「DSE放榜加油派對」活動，穿上喱士透視大露背的她又露長腿，非常養眼，不過她卻自爆近日拍攝無綫新劇《誇世代》外景時，被猛烈太陽曬燶皮膚，她謂：「我除咗腰下嘅位置之外，其餘部份都曬燶晒，所以我要着衫遮住，相信都要一年半載先好，因為我好難白番，前幾日着住背心出活動，畀人見到甩皮同埋一撻撻，人哋以為有啲乜嘢喺度。」更指將要為餅店拍攝新一輯廣告，屆時需要用強力化妝品遮住。
嘉欣坦言首次遇上這種情況，為令曬燶位置快點復元，她也特別接受美白療程：「不過要除晒啲衫，將啲Mask擺喺背脊度，咁就好啲！」而近日忙於為Big Big Channel拍片教煮食的她，表示網民反應好，故公司希望她盡量一星期拍一條片，問到嘉欣可有壓力？她謂：「冇，都係同大家閒話家常，我自己又一個人，咁樣會冇咁悶（姚子羚唔係同你一齊住？）一時時，佢開工就會喺度。（唔開工呢？）呢啲我唔代答，費事佢鬧我，總之開心就得！」
來源 source: http://hk.on.cc
|
鍾意就快D Share啦！
|
|
|
