收工除咗con睇嘢都有影呀！
楊卓娜與林嘉華日前為無綫新劇《燦爛的外母》開工，戴上奶白色隱形眼鏡現身的卓娜，透露戲中講述她被鏹水所傷，故拍攝時需長時間戴上，惟過程間極不舒服，除了看東西時有點矇矓外，合埋眼也會被隱形眼鏡刮到，結果雙眼變得紅腫，她謂：「收工之後對眼好攰，睇嘢都有影，要過一、兩個鐘先正常番。」談到首次與前輩林嘉華合作，卓娜感謝對方不時提點，笑指試過整日開工令情緒未能連接，林嘉華也有出手助她盡快投入情緒。
黎諾懿張頴康狂放笑彈
而另一邊廂，薛家燕、黎諾懿及張頴康則拍攝一場銀行戲，期間諾懿更要向家燕大發雷霆，雖然鏡頭前諾懿失控狂鬧，但一cut機後隨即變臉，與家燕及張頴康玩得不亦樂乎，兩位男士更於家燕面前跳舞，場面惹笑，對於與兩位後輩合作，家燕笑指快樂不知時日過，更謂：「我同諾懿喺戲入面成日針鋒相對，為咗想搞笑啲，好多時我哋都會加料加啲身體語言，所以就成日NG。」
憶起以往不快事
不過家燕亦提到戲中有場攬住湯洛雯飾演的女兒哭泣戲份，頓時令其想起以往的不快事，她謂：「劇本寫我攬住個女喊，之後仲想攬住一齊跳落街，情況同自己十幾年前嘅現實經歷一樣，當時我真係有咁諗過，所以睇劇本已經喊晒，嗰種痛到依家仲好記得，好擔心拍時唔知會喊成點！」
來源 source: http://hk.on.cc
|
鍾意就快D Share啦！
|
|
|
