黃秋生強調拍《中華英雄》時身體已經好番晒。
藝人黃秋生愛在社交網抒發情感，佢又發文話有人曾經話佢有病，叫其他導演唔好用佢，仲話當日係劉偉強話「唔好咁樣」。言詞間充滿怒火！正忙於為舞台劇排戲的秋生，咁忙仲抽空喺Facebook發火。
避免惹人誤會
為了追查事件真相，東網聯絡了秋生，他解釋：「其實係有個內地朋友Send畀我，我以為係最近講嘅嘢，因為內容與事實不符，夜媽媽，火滾起上嚟咪寫幾句，冇嘢喇，冇乜特別嘢講，依家專注排戲同埋個戲嘅宣傳，費事令人又誤會。」
有網民推斷，事件係關於秋生當年拍攝電影《中華英雄》同《風雲：雄霸天下》嗰段時間所發生嘅嘢。至於秋生咁扯火，啲網民又聯想到係咪同導演王晶有關。由於兩部電影都由劉偉強執導，東網聯絡劉導演，但未有回覆。
東網繼續問秋生是否不滿有人聲稱曾在電影《中華英雄》中，於造型上作出特別安排，以便當年因病服藥導致暴肥的他仍能有工開？秋生回答：「拍《中華英雄》時我都好番啦，病佢個死人頭咩！《中華英雄》嗰期大把嘢拍！（咁係咪拍《風雲：雄霸天下》時令人覺得你肥？）我估係。（係咪王晶？）唔再講喇。」
王晶微博回話
至於王晶導演喺微博發文，指香港娛樂圈有兩個口賤之人，因口賤導致前途盡毀。「我不齒二人所為，割蓆絕交。」更指二人無法接到大製作，靠「小活」維生。之後他強調是被二人痛罵，朋友替他不值。最後回話：「街上有兩個乞丐罵你，你會跟他吵嗎？」
來源 source: http://hk.on.cc
|
鍾意就快D Share啦！
|
|
|
