2017年7月30日 星期日

同過馬國明做Gym 黃心穎低胸晒修身成果 __,心穎,馬國明,黃心穎,

黃心穎話佢同過馬國明做Gym㗎!藝人黃心穎及森美到黃埔出席活動,心穎身穿湖水藍低胸連身裙晒兩吋事業線,她直言最近不停做運動,每日至少20分鐘,因此想晒 ...


黃心穎話佢同過馬國明做Gym㗎!

藝人黃心穎及森美到黃埔出席活動,心穎身穿湖水藍低胸連身裙晒兩吋事業線,她直言最近不停做運動,每日至少20分鐘,因此想晒一晒修身成果,最滿意是手臂變得更Firm,問到有否跟緋聞男友馬國明一同做運動?心穎說:「試過一次囉!之前喺橫店大家一齊做Gym。(佢體能點?)OK呀!佢都做開運動屬於長跑型,我就短途,好快攰。(馬國明有冇讚你Fit咗?)呢樣你哋問佢我自己開心就得,想健康啲。」

否認同居

早前有指心穎及馬國明打算同居,但遭家姐黃心美反對,但心美已作出否認,指向來對心穎的感情事開綠燈。心穎亦說:「其實屋企人一向畀好大自由度我,支持我嘅決定,家姐都話躺着也中槍。(係咪真係同居?)唔係依家同家姐住,但間房唔夠位放嘢,諗緊可能自己出去租地方住,獨居先,我覺得女仔要經歷吓自己一個人住,因為最後都會同另一個人相處。(接受同居?)唔會!等到結婚先。(唔使一齊住了解吓對方缺點先?)相信我結得婚都好清楚對方係點,而且到時包容嘅決心會更大。」

有機做歌手

心穎在活動上獻唱一曲《喜歡你》,歌藝甚佳,問是否想做歌手?她說:「其實一向喺商場騷都有唱歌,喺之前電視節目公開唱,多咗觀眾知道我都唱得。(有傳星夢對你有興趣想簽你做歌手?)我都唔知喎!等公司安排,有機會唱歌都好,我就好鍾意唱歌嘅,努力學緊。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...