2017年7月13日 星期四

【IG留言呻窮】拒為家人揼水?栢芝自爆被欺負足18年 __,栢芝,張栢芝,

99年入行嘅張栢芝,向來疼錫家人,一個人獨撐頭家10多年,對家人包括老竇鬍鬚勇、媽媽、同母異父家姐戴碧芝、以及細佬張柏文同張豪龍照顧得無微不至。不過, ...


99年入行嘅張栢芝,向來疼錫家人,一個人獨撐頭家10多年,對家人包括老竇鬍鬚勇、媽媽、同母異父家姐戴碧芝、以及細佬張柏文同張豪龍照顧得無微不至。不過,近年栢芝是非不絕,除咗向華強同太太陳嵐點名「永不錄用」外,導演杜琪峰亦話再難同栢芝合作,栢芝喺香港市場幾乎全軍覆沒,只能夠轉戰大陸上綜藝節目搵人仔。收入減少,但家庭重責繼續揹起身嘅栢芝,經濟壓力沉重,獨力湊兩個仔嘅佢,為頭家心力交瘁。今日有報道指栢芝近日分別喺fb同IG開新account,大吐苦水,更自爆被欺負足足18年,又指栢芝留言更暗示拒再為至親無限量供水,又呻窮冇錢請化妝同買衫。其實栢芝喺6月尾喺Ig開新account時,第一張相就係貼咗老竇鬍鬚勇同友人合照,更寫上「多謝你比(畀)我勇氣,唔該晒你勇哥。」正當大家以為栢芝感激老竇之際,但實情話中有話,佢喺下面就留言話:「其實都忍咗好耐㗎啦,估唔到爆出嚟之後,所有身邊朋友都極度支持我...他們冇諗過我一直活喺一個咩世界入面...」之後栢芝又貼出一段昔日同細佬豪龍嘅合作片段,留言:「佢(豪龍)一定係諗家姐畀人欺負十八年,自己乜都做唔到」。之後栢芝再喺po入面寫自己冇錢請造型師同買靚衫,又要搵化妝師拍膊頭幫拖。入行多年,鮮有呻窮嘅栢芝,對家人揮金如土,如今竟然會呻冇錢,似乎佢已下定決心唔會再心軟。

(栢芝IG圖片) 栢芝上月尾開 IG新用戶,第一張相就係貼佢老竇鬍鬚勇同朋友嘅相,仲話要唔該勇哥。(栢芝IG圖片) (栢芝IG圖片)
但留言就爆自己忍咗好耐。 (栢芝IG圖片) 之後佢再貼同細佬浩龍嘅舊片段。(栢芝IG圖片) 仲爆自己俾人欺負足18年,似乎話中有話。 (栢芝IG圖片)
栢芝不時喺IG感言,其中提到自己要慳錢,要靠化妝師幫手。 (栢芝IG圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...