2017年7月6日 星期四

【獨家】終極合體!JW讚吳業坤口技勁 __,吳業坤,JW,

期待呀!吳業坤(坤坤)和JW(王灝兒)兩人曾分別創下千萬歌曲點擊率,今次再挾合唱歌《原來只因深愛着》在YouTube個多月來達180多萬點擊的威勢,將 ...


期待呀!

吳業坤(坤坤)和JW(王灝兒)兩人曾分別創下千萬歌曲點擊率,今次再挾合唱歌《原來只因深愛着》在YouTube個多月來達180多萬點擊的威勢,將於8月假旺角舉行「合體」演唱會,屆時來個正面交鋒,同台比併歌唱實力。

JW接受東網訪問時,稱今次演唱會屬非一般音樂騷:「因為舞台冇乜華麗裝潢,全晚都唔會換衫,不過我同坤坤一定一齊喺台上面,唔會一個唱時,一個返咗落後台,我哋想同啲歌迷close啲。」她又透露會和坤坤交換歌唱,還會唱其他歌手的合唱歌。問唱坤坤的歌可會大壓力?她說:「唔會,因為男仔同女仔唱歌嘅感覺都唔到,如果女歌手翻唱其他女歌手嘅歌就話有比較。」

坤坤英文麻麻

JW又透露坤坤最近忙於苦練其英文Rap歌《Stupid BOII》,感覺開心又搞笑,問她為何覺得搞笑,她說:「因為有次喺停車場,見到佢好大聲咁練緊我首歌,佢仲用兩張紙巾貼喺個額頭度,個樣好搞笑。(佢唱成點?)佢唔得,唱唔到,啲歌詞甩晒。(英文差關係?)應該係唔熟歌詞啫。」問到拍演唱會海報時,兩人鬥吹吹波膠,她大讚坤坤口技一流,強項是吹爆波,她說:「佢好勁,吹到個波成塊面咁大。」不過見坤坤吹爆波時,吹波膠如「安全套」般笠住鼻哥,樣子很有趣。問到兩人私下可有聯絡,JW似嫌棄說:「冇,因為工作已佔咗我好多時間,我放工就同佢講bye bye,但佢都有請過我食嘢。(咁你有冇請佢食好西?)冇,或者兩間公司一齊食餐飯慶祝首歌受歡迎。」

不再囂張

而坤坤就話今次在旺角開騷目的是玩貼地,問可曾在旺角開騷?他憶起曾在旺角街頭玩busking的日子,他說:「冇人認得我,亦冇人理我,當年我冇自己歌,同埋笠咗大頭佛面具。(感覺好難受?)都有好心人擺低小小打賞,唱咗4個鐘有幾百蚊,同人分埋錢都夠食餐晏仔(午飯)。」曾誇口指開紅館騷可一天售罄萬張門票的他,被問到今次可半日買完千多張門票?怕再被指囂張的他說估計要兩星期,因為今次換跟買飛不同。坤坤又說雖然拍劇拍到天昏地暗,但只要有機會唱歌定會騰出時間。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...