掃呢頁CODE去手機

2017年7月5日 星期三

「仙氣」Kelly變咪神Sandy剪走娘味Sharp晒 __,Kelly,陳慧琳,

後<br>變髮後嘅Kelly睇落同張秀文似足Twins。
「仙氣」Kelly變咪神Sandy剪走娘味Sharp晒今年入圍港姐的12位佳麗日前率先爆出,昨日她們到九龍塘一間髮型屋執靚髮型,趁見傳媒前進行「大改造 ...


「仙氣」Kelly變咪神Sandy剪走娘味Sharp晒

今年入圍港姐的12位佳麗日前率先爆出,昨日她們到九龍塘一間髮型屋執靚髮型,趁見傳媒前進行「大改造」!變髮後佳麗各有姿色,大熱門「仙氣李若彤」Kelly依然省鏡,還有幾分似「咪神」張秀文!最驚喜則是原本娘味十足的Sandy,將長髮剪短後增添青春氣息,成功改造。

《2017香港小姐競選》將於9月3日進行決賽,12位入圍決賽的佳麗將於7月13日正式首次會見傳媒。一如以往,無綫將安排專業化妝師、髮型師及儀態導師等為佳麗進行大改造,昨日一眾準港姐便到九龍塘一間髮型屋率先執靚髮型,務求由頭靚到落腳!今年佳麗的紀律相當好,齊齊「鬥早」到場,不少人早於9時半已抵達,包括貌似朱千雪的「白富美」Nicole Wu、「翻版湯洛雯」Nicole Kam、「嫩版李珊珊」Mandy及來自多倫多的Juliette等。不過因時間太早而摸門釘,大夥兒轉到咖啡店等開門。

「嫩版李珊珊」少女味濃

大熱佳麗「仙氣李若彤」Kelly以白色襯衫露出小蠻腰示人,身穿低腰褲但不慎露出黑色內褲邊,相當失策!變髮後她髮尾微微變曲,瀏海略為修剪,繼續散發仙氣,還有幾分似「咪神」張秀文!可能因早上春光乍洩,她步出髮型屋時小心地用雙手遮掩褲頭,避免再走光。至於「翻版湯洛雯」Nicole Kam與「嫩版李珊珊」Mandy變髮後未有太大改變,Mandy將頭髮拉直,感覺更整齊,少女味更加濃;Nicole則將髮尾電曲,增添不少女人味。

前<br>Kelly身穿低腰褲到場,不慎露出內褲邊。


  • Kelly身穿低腰褲到場,不慎露出內褲邊。
靚就唔使搞花臣,「翻版湯洛雯」Nicole就只將髮尾變曲。
  • 靚就唔使搞花臣,「翻版湯洛雯」Nicole就只將髮尾變曲。
後<br>Sandy將一頭師奶長髮剪短,即時變番青春少艾!


  • Sandy將一頭師奶長髮剪短,即時變番青春少艾!

「白富美」Nicole似桂綸鎂

論變髮後最突出的可算是Sandy,將師奶長髮剪短甚有驚喜,新髮型幫她除去娘味,望落更有精神!「白富美」Nicole Wu亦將一頭及肩的頭髮剪短到頸部,感覺清爽頓顯氣質,還似足台灣女星桂綸鎂。身高1米78的Suki同樣剪短一把披肩長髮,但反而氣質大減!至於Juliette的變化則最大,將一頭又長又直的黑髮電曲兼染啡金色,切合其鬼妹仔形象,而且變得更富女性美。

前
張寶欣又電又染花足八粒鐘,辛苦過返工。
  • 張寶欣又電又染花足八粒鐘,辛苦過返工。
「嫩版李珊珊」Mandy拉直長髮,凸顯少女味。
  • 「嫩版李珊珊」Mandy拉直長髮,凸顯少女味。

最後出場的是港姐張寶兒妹妹張寶欣,足足花了八個小時變髮,髮型從啡色漂染成棕紅色,又將頭髮電曲,感覺輕盈更添韻味。她表示因染過髮令頭髮難上色,故需要染多幾次,問到曾否試過花那麼長時間Set頭?她說:「未呀!聽就聽過,但效果好滿意、好靚。(攰唔攰?)少少攰,中間有食少少嘢!」變髮後的佳麗將接受儀態及化妝訓練,務求以最佳狀況首見傳媒。

後<br>「白富美」Nicole剪髮後感覺清爽,依家似桂綸鎂多過朱千雪!


  • 「白富美」Nicole剪髮後感覺清爽,依家似桂綸鎂多過朱千雪!
前
Suki剪短披肩長髮,睇落普普通通。
  • Suki剪短披肩長髮,睇落普普通通。
Juliette電完髮又染金,坦言對新髮型感滿意。
  • Juliette電完髮又染金,坦言對新髮型感滿意。

文:影視組


鍾意就快D Share啦!