掃呢頁CODE去手機

2017年7月29日 星期六

【勁過阿希】代聽眾示愛點知撞著人夫 森美都唔知Lucy點收科 __,森美,

森美小儀今朝主持商台叱咤903嘅節目《早霸王》,因為女聽眾Lucy希望佢哋幫手向一位相識差唔多八年嘅朋友告白,點知呢個朋友原來有老婆小朋友,結果搞到佢 ...


森美小儀今朝主持商台叱咤903嘅節目《早霸王》,因為女聽眾Lucy希望佢哋幫手向一位相識差唔多八年嘅朋友告白,點知呢個朋友原來有老婆小朋友,結果搞到佢哋都沉默咗一陣,收線之後森美、小儀都話唔識點講,森美仲一路感嘆:「勁過阿希!勁過阿希啊!」跟手喺短短半日竟被網民瘋狂討論,仲出現咗唔少猜測。今日森美接受《蘋果》訪問,佢話:「聽完Lucy嘅電話之後,梗係覺得好婉惜,不過愛情係咁樣,要把握機會,有得愛嗰陣就要好好愛,有得表白嗰陣就要好好表白,愛係唔能等待。不過Lucy之後係點呢?我就真係唔清楚,因為做完節目出嚟,佢就收咗線,冇再同佢傾,不過我覺得佢應該堅強,可以努力向前搵下一個目標。」查實森美口中講嘅「勁過阿希」,呢個電話已經係好多年前嘅故事,有一個男聽眾打電話希望向阿希示愛,點知呢個阿希原來係男仔,就算事隔多年都不時俾人瘋傳,森美話:「其實戲劇性真係泊得住阿希,我當時個腦都停咗幾秒鐘,呢個震撼都可以泊得住,呢個CASE喺近期都算係幾特別,但係喺真實嘅愛情當中,呢個CASE唔會係唯一,所以真係要鼓勵啲女仔,如果有心目中鍾意嘅人,真係要表白。」


來源 source: http://s.nextmedia.com
鍾意就快D Share啦!