2017年7月29日 星期六

【獨家】火鍋店財困執笠?林夏薇:o依家都仲營運緊 __,林夏薇,

林峯堂妹林夏薇喺15年7月秘嫁身家逾20億嘅金融才俊莫贊生(Jason),雖然林夏薇做咗豪門少奶奶,不過佢仍然好熱衷演藝事業,最近仲會同夏文汐合作拍新 ...


林峯堂妹林夏薇喺15年7月秘嫁身家逾20億嘅金融才俊莫贊生(Jason),雖然林夏薇做咗豪門少奶奶,不過佢仍然好熱衷演藝事業,最近仲會同夏文汐合作拍新劇,飾演一個中日混血兒。(新聞連結:http://bit.ly/2uEyIWC)之不過始終做藝人唔會係長遠嘅發展,於是林夏薇亦喺老公支持之下,喺15年9月同友人合資過千萬元進軍飲食界,開設點心火鍋店。唔經唔覺,林夏薇嘅飲食生意已經擴充超過10間,佢喺訪問亦都講過,就算結咗婚都唔諗住做全職主婦,希望可以有自己嘅事業,等生命可以多啲色彩,加上老公一直都好支持,覺得呢個好好嘅機會,努力學習,現階段希望做大眾化同街坊生意,未諗過進軍大陸抑或上市。不過日前有《蘋果》讀者報料,佢話林夏薇旗下一間火鍋店疑因財困問題導致執笠,同時亦因食材不新鮮遭到投訴,結果林夏薇不得不重出演藝界以解決金錢問題。其後林夏薇接受傳媒訪問,佢話:「唔知點解會有咁樣嘅傳聞出現,我哋集團總共有10幾間舖o依家都仲營運緊,只係公司有啲內部調整,關於食材問題我哋從來都冇收過任何投訴,公司亦都冇任何財務問題。」講到話佢要重出娛樂圈搵錢,佢就話:「我從來都冇退出過演藝界,又何來重去?所以更加唔明點解會有咁樣嘅傳聞,我哋為求做得更好,就要根據市場需要不斷調整,先會進步,多謝大家關心,對於不實嘅傳聞就冇回應喇,thank you.」

林夏薇否認財困。(微博圖片) 林夏薇希望可以學做吓生意。(資料圖片) (資料圖片)
林夏薇唔想做全職太太。 Jason一直都好支持老婆。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...