2017年7月12日 星期三

【回復單身更精采】陳法拉做學生妹釣法籍型男 阿Sa搭上麻雀館太子爺 __,阿Sa,陳法拉,法拉,蔡卓妍,

【回復單身更精采】陳法拉做學生妹釣法籍型男阿Sa搭上麻雀館太子爺即時娛樂2017-07-1200:02:07HKT家陣呢個世代,離婚是平常事,雖然曾經 ...


【回復單身更精采】陳法拉做學生妹釣法籍型男 阿Sa搭上麻雀館太子爺

即時娛樂
2017-07-12 00:02:07 HKT

家陣呢個世代,離婚是平常事,雖然曾經失敗過,但回復單身後嘅生活,絕對可以更精采!

好似近排成為城中熱話嘅蔡卓妍(Sa)咁,佢同鄭中基06年秘婚,到10年離婚嗰日至爆大鑊,喺記者會上兩個喊到眼紅紅咁。兩人分道揚鑣後冇乜機會同場,但各有各精采,鄭中基就娶咗有線前主播余詩敏,婚後育有一子一女,而阿Sa呢,雖然仍然保持單身,但繼「的士陳」之後,近日同「麻將館大王」太子爺石恆聰(Anthony)熱戀,佢以一句「o依家好開心」嚟默認,又被《蘋果》讀者影到佢哋蜜遊東京,sweet到漏!

至於選美出身,曾獲選2005年華姐亞軍嘅陳法拉,喺06年嫁畀Neway太子爺薛世恆,但婚姻維持至13年告終,離婚後嘅法拉繼續發展演藝事業,但佢約滿大台之後,疊埋心水去美國紐約進修,仲入讀著名學府茱莉亞學院嘅戲劇碩士課程,舊年一度返港,孖住男神黃子華演舞台劇《前度》,舊年仲有報道指佢喺朋友介紹下,識咗個曾任法國駐日外交官EMMANUEL STRASCHNOV,而法拉為咗保護呢段戀情,決心低調處理。

昔日「寶麗金小花」黎瑞恩(小恩子)於02年嫁俾金利來三少曾智明,婚後退出娛樂圈專心相夫教子,可惜兩人婚姻疑因男方包養小三而劃上句號。14年小恩子回復單身,喺舊唱片公司同事邀約,加上女兒支持下,再踏入錄音室,舊年更正式復出,得閒做吓演唱會嘉賓,早前更以投資者身份,投資落林敏驄作品展;另一方面,佢仲要照顧一對仔女。

而有線前主播劉明軒就喺13年嫁畀李彩華舊愛、保險公司高層王傲山,但係佢哋段婚姻1年貨仔(都唔夠)就宣佈game over!對於第二春,劉明軒舊年接受《蘋果》訪問時承認有同異性去街,不過因為對失敗嘅婚姻仲有陰影,怕個男仔追自己時對自己好好,追到手就會變,所以未見佢有護花使者出現喺身邊……



(資料圖片)



鄭中基同阿Sa喺2010年宣佈離婚,其後各行各路。(資料圖片)(蘋果日報)



阿Sa同過同門師弟陳偉霆拍拖(資料圖片)(蘋果日報)



近日蜜運中嘅阿Sa被問及新戀情時,笑到合唔埋口。(資料圖片)(蘋果日報)



阿法拉同薛世恆(資料圖片)(蘋果日報)



離婚後,法拉冇放棄演藝事業,舊年仲同子華神合演舞台劇《前度》。



法利赴美進修,盛傳有法籍男友。(資料圖片)(蘋果日報)



黎瑞恩於02年同曾智明結婚,可惜最後離婚收場。(資料圖片)(蘋果日報)



小恩子近年逐步復出,更會擔任演唱會嘉賓。



早排更以投資者身分,支持林敏驄開作品展。



劉明軒同王傲山段婚姻維持不足一年



失婚後嘅劉明軒似乎怕再涉足情場,未見有第二春埋身。


鍾意就快D Share啦!
Related Posts Plugin for WordPress, Blogger...