2017年7月16日 星期日

【一門四傑】Sam唱足半世紀 許冠英心臟病發家中亡 __,Sam,許冠英,許冠傑,

提起許冠文,一定會諗得起佢嗰四兄弟「文武英傑」,四兄弟均於演藝圈工作,二弟許冠武最低調,而三弟許冠英同四弟許冠傑(Sam)喺演藝圈各放異彩,惟許冠英於 ...


提起許冠文,一定會諗得起佢嗰四兄弟「文武英傑」,四兄弟均於演藝圈工作,二弟許冠武最低調,而三弟許冠英同四弟許冠傑(Sam)喺演藝圈各放異彩,惟許冠英於2011年不幸離世,終年65歲,令人大感惋惜。現年74歲嘅許冠文,演而優則導,亦曾擔任電影編劇及監製,有「冷面笑匠」外號。於1968年、仍在求學嘅許冠文加入無綫,創作並主持校際常識問答比賽,其後獲安排加入《歡樂今宵》,創作咗《新聞趣事》等時事環節,到佢大學畢業後一度離開娛樂圈,後來重返無綫,與阿Sam演出《雙星報喜》,大獲好評。其後佢主力喺電影圈發展,亦多次孖住細佬一齊演出,包括《半斤八両》、《天才與白痴》、《摩登保鑣》等。舊年許冠文憑《一路順風》入圍台灣第53屆金馬獎影帝,惜大熱倒灶;而佢喺2011年曾獲意大利烏甸尼斯電影節頒發終身成就獎,表揚其演藝成就。二弟許冠武係許氏四兄弟中最低調嘅一個,其實佢係電影攝影師,亦曾執導演筒,而喺《半斤八両》及《新半斤八両》等電影中,許冠武參與幕後策劃及有客串。佢亦有協助哥哥許冠文嘅棟篤笑表演,亦又試過喺細佬Sam嘅演唱會中亮相。許氏兄弟嘅「老三」許冠英於1970年代加入邵氏演員培訓班,3年後參演許冠文及許冠傑主演嘅《鬼馬雙星》,備受注目,其後參演過多套電影,包括《半斤八両》、《發錢寒》、《殭屍先生》等,大部份都係笑片,亦成為佢「鬼馬笑星」奠下根基。雖然許冠英喜劇感逼人,歌藝亦不錯,曾舉行過演唱會,但際遇問題令其成就一直未能超越其兄弟。許冠英於2011年11月被發現倒斃家中,死於心臟病。至於有「歌神」之稱嘅Sam,於1960年代數度同朋友組成樂隊,更曾喺夜總會及酒店等地方演唱,後來Sam作獨立發展擅,佢擅長以廣東話唱出社會現況,諷刺時弊,另有唔少講述打工仔心聲嘅經典作,佢喺1970年代,推出過多首至今仍大受歡迎嘅經典作品,包括《鐵塔凌雲》、《浪子心聲》、《梨渦淺笑》同《打雀英雄傳》等。雖然Sam喺1992年引退,但佢喺2004起逐步復出,主力係勉勵港人,亦有舉辦演唱會,下月就聯同譚詠麟假紅館舉行「阿Sam 阿Tam Happy Together演唱會2017」。其實「文武英傑」出名嘅點止呢啲,曾經電影都攞佢哋四兄弟個名嚟做角色名,嗰套就係1990年《開心鬼開心鬼》,主角係Beyond四子,分別飾演文、武、英、傑,劇情安排佢哋追李麗珍、陳加玲、羅美薇同袁潔瑩,而佢哋更為咗追女,唱咗隻《文武英傑宣言》o添!

(《城周》圖片) 許氏四兄弟兒時照 前排右起:許冠文、許冠武、許冠英、許冠傑
許冠文、許冠英 許冠文同許冠英多次合演,圖為《雞同鴨講》劇照。 宣傳《雞同鴨講》時,許冠傑特登現身撐哥哥場。(《城周》圖片)
(《神算》劇照) 《摩登保鑣》係許氏兄弟經典作之一 《半斤八両》亦係許氏兄弟著名作品
許冠英喺《殭屍先生》嘅演出令觀眾留下深刻印象。 (《殭屍先生》劇照) 可惜許冠英於2011年離世(《城周》圖片)
許冠傑與許冠英感情要好 許冠傑將與譚詠麟合作開演唱會 許冠武係四兄弟中相對地較低調嘅一個
(左起)許冠武、許冠文、許冠傑、許懷欣

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...