2017年7月13日 星期四

SM有出頭 蔣家旻同男友 為買樓做準備 [壹週刊 - 1427] __,蔣家旻,M1,

蔣家旻主攻投資書籍,其中買入的《買樓上車!!!防中伏》一度賣斷市,是近年暢銷財經書籍之一。探熱針SM有出頭 蔣家旻同男友 為買樓做準備大台的《踩過界》 ...


蔣家旻主攻投資書籍,其中買入的《買樓上車!!!防中伏》一度賣斷市,是近年暢銷財經書籍之一。

探熱針

SM有出頭 蔣家旻同男友 為買樓做準備

大台的《踩過界》難得每個單元都充滿話題性,其中蔣家旻被有錢仔禁室 SM的場口,重口味至極, Angel(蔣之洋名)更加是渾身是戲,成功搣甩馬子妮的乖乖女形象。事業有得發圍,同拍拖四個月的結婚統籌公司老闆麥存興的感情亦漸趨穩定,早前二人於銅鑼灣拍拖打書釘,目標明確睇投資、買上車盤的攻略,唔通有意入市,為結婚鋪路!

誠品打書釘

當日下午四時,蔣家旻孖住新歡 Nic(麥存興)現身銅鑼灣誠品書店, Angel一身超熱褲,露出一雙白滑玉腿,加上啡紅色的頭髮,即使將賊仔帽笠過眼眉,依然惹人望多兩眼。兩人在投資書的角落,女的埋頭苦幹搵心頭好,男的明顯陪企,不時擔天望地,身邊只要有人拎起手機,便煞有介事𥄫到實,慎防有人偷拍。

企足半個鐘都無意離去, Nic索性在兒童圖書搵定位,等女友可以坐低慢慢睇,蔣家旻對有財經聖經之稱的《用 10%薪水變有錢:全世界有錢人都奉行的巴比倫致富聖經》極有興趣,睇到有趣的章節便即席同 Nic開心「些牙」。明顯陪太子讀書的 Nic頻頻篤電話打發時間,又不時撩女友吹水,其間蔣家旻同男友撒嬌:「我有啲口渴喇!」 Nic馬上動身往上層的「天仁茗茶」買珍珠奶茶,照顧周到!「磨」足三小時,晚上七時多兩人捧着幾本書埋單走人,當中一本是近年曾賣斷市,由 Anthony Chung同 Ann Wong聯合著作的《買樓上車!!!防中伏》,然後二人轉往 Sogo,分道揚鑣 shopping,蔣家旻在 Stella McCartney試五千多元的星星鞋,左望右望睇落勁 like依然忍手無入貨!

著熱褲試鞋,蔣家旻一雙白滑玉腿勁吸睛。

蔣家旻睇到唔願放手的《用 10%薪水變有錢》,大賣近千萬本,被譽為理財聖經。

蔣家旻一聲 order, Nic即跑上上層買珍珠奶茶俾女友。

蔣家旻笑晒唔認男友,但承認想買磚頭保值。

風騷唔認男友

《愛•回家》的確令蔣家旻成功入屋,不過由於馬子妮乖乖女,同時亦局限她的演出,來來去去都是乖乖女角色。直至《踩過界》單元扮啤酒妹,遇上有錢仔許家傑,俾對方捆綁、鞭打、灌水, SM的場面完全超越晒大台極限,網友大讚她演技有突破,搣甩馬子妮的乖女框框。

事隔幾天,蔣家旻單拖於尖沙咀出沒,問她新劇好評有何感想,當事人話:「都開心 feedback OK嘅,都多謝監製嘅,因為一路都等緊一個可以超越馬子妮嘅角色,觀眾嘅反應 OK我就開心!」再問她同男朋友是否好事近,準備買樓結婚,蔣家旻反應極大話:「了解中嘅朋友……太遠,工作為先……而家每一個人都好想買樓,都有同朋友傾吓投資啲嘢,但係呢方面自己唔係好叻,咁咪叫做喺工作以外,睇吓書,學習吓!」

蔣家旻在《踩過界》的 SM演出有血有肉,網友激讚!

在《愛•回家》的演出深入民心,唔記得佢叫蔣家旻都一定記得她是馬子妮。

撰文:娛樂組

攝影、攝錄:陳亦龍、李溢敏、蕭敬漁


鍾意就快D Share啦!
Related Posts Plugin for WordPress, Blogger...