2017年7月8日 星期六

【獨家】小方Stephy難再合作 葉念琛新片捧第二代「阿寶」—竟然係佢 __,Stephy,方力申,小方,葉念琛,鄧麗欣,

方力申同鄧麗欣(Stephy)合作演出過唔少導演葉念琛嘅作品,由06年開始嘅《獨家試愛》到之後嘅《十分愛》、《我的最愛》,到前年套《紀念日》,佢哋都合 ...


方力申同鄧麗欣(Stephy)合作演出過唔少導演葉念琛嘅作品,由06年開始嘅《獨家試愛》到之後嘅《十分愛》、《我的最愛》,到前年套《紀念日》,佢哋都合作冇間。而戲入面方力申先後以阿強、阿華、大力角色出現,但係Stephy嘅角色就由始至於都係叫「阿寶」,從來都冇變過。除咗反映導演葉念琛對呢個名嘅執愛之外,Stephy嘅阿寶角色實在係深入民心。不過隨住方力申同Stephy結束10年情,佢哋睇嚟都好難再喺銀幕前做情侶可以演得投入。片繼續要拍,第二代阿寶亦都出現喇,喺葉念琛一年一度嘅愛情作品《愛情奴隸獸》。至於大家最關心嘅阿寶角色,導演搵咗《哪一天我們會飛》嘅女神蘇麗珊做第二代阿寶。套戲日前已經拍完,煞科嗰日一班演員仲好開心咁一齊影大合照放上網,除咗原有班底方力申同苗可秀,仲見到喺大台劇《不懂撒嬌的女人》嘅「游生」袁文傑、近日有劇上大賣性感嘅高海寧、亦都有百搭最佳女配角邵音音同阿Bob演出。不過問到導演葉念琛點解會搵蘇麗珊做第二代阿寶,佢就點都唔肯講,話要等第日公佈。同劇幾位演員好似第二代阿寶蘇麗珊封口唔肯講,高海寧回覆傳媒時就話:「同方力申、金剛比較多對手戲。」至於方力申就未有回覆。據知情人士透露今次導演拍得較過往神秘,每人都只係有自己一part嘅劇本,唔會成份畀你睇晒。另外,第一代阿寶Stephy近日轉型做咗打女,拍咗杜汶澤導演嘅新作《空手道》,問到葉念琛有冇搵過佢拍《愛情奴隸獸》?係咪怕同小方合作尷尬唔想接?Stephy以短訊回覆話:「我無收過消息有搵我演出呀!其實都有好多人做過阿寶,唔係我專屬㗎。」對於蘇麗珊接棒做「阿寶」,Stephy表示:「其他嘢唔回應太多了,請見諒!」

「愛字派電影」嘅阿寶要換人喇
但方力申都仲係方力申 (資料圖片)
分手後都做唔到拍擋(資料圖片) 蘇麗珊就係新一代阿寶喇!(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...