掃呢頁CODE去手機

2017年8月23日 星期三

【10號風球好強】陳浩民何文田複式豪宅嚴重滲水!Lisa:撤離到2樓 __,陳浩民,

天鴿襲港,天文台今早9點幾發出十號颶風信號,陳浩民老婆蔣麗莎(Lisa)喺今朝10點幾po相同video喺facebook,片中顯示佢哋一家六口住嘅何 ...


天鴿襲港,天文台今早9點幾發出十號颶風信號,陳浩民老婆蔣麗莎(Lisa)喺今朝10點幾po相同video喺facebook,片中顯示佢哋一家六口住嘅何文田一個複式單位豪宅出現嚴重滲水情況,佢留言:「感覺自己像「三隻小豬」玻璃門一直在搖晃,漏雨,泳池水一直在沸騰⋯在這個不牢固的框架結構中⋯隨時有被吹跑的危險⋯10號風球,好強啊!」Lisa立即聯絡屋苑管理人員嚟幫手,相中見到有至少6名管理人員去幫手,佢哋喺客廳落地玻璃窗做防風措施,加上木條同鋪毛巾防滲水,Lisa再留言:「感謝各位,可愛的物業人員,辛苦了。」《蘋果》今日聯絡Lisa問情況,佢回覆:「沒用爆玻璃⋯⋯整個門搖晃的很厲害,家裡的燈都在搖晃,小朋友全部撤離到2樓,游泳池裡的水都吹飛了,客廳有漏水。」此外,Lisa同老公陳浩民噚晚都有拍拖去又一城睇套劉德華《俠盜聯盟》首映,佢哋仲集郵,仲貼相上網,首映開場未見浩民,Lisa話老公早走,去醫院做body check,估唔到今朝掛10號風球,Lisa同工人姐姐一人湊住三女一子喺屋企,辛苦!

何文田半山壹號複式單位豪宅出現嚴重滲水情況。facebook圖片 玻璃門一直在搖晃。facebook圖片
陳浩民老婆立即聯絡屋苑管理人員嚟幫手。facebook圖片 facebook圖片 陳浩民噚晚有拍拖去又一城睇套劉德華《俠盜聯盟》首映。facebook圖片

來源 source: http://s.nextmedia.com
鍾意就快D Share啦!