掃呢頁CODE去手機

2017年8月10日 星期四

心急上位 劉佩玥臨時甩底新劇 馮盈盈執二攤 [壹週刊 - 1431] __,盈盈,劉佩玥,馮盈盈,湯盈盈,M1,

劉佩玥在《跳躍生命線》中飾演揸電單車救護員,早前炒車受傷。探熱針心急上位 劉佩玥臨時甩底新劇 馮盈盈執二攤劉佩玥去年拍住伍允龍,憑電視劇《城寨英雄》彈 ...


劉佩玥在《跳躍生命線》中飾演揸電單車救護員,早前炒車受傷。

探熱針

心急上位 劉佩玥臨時甩底新劇 馮盈盈執二攤

劉佩玥去年拍住伍允龍,憑電視劇《城寨英雄》彈出,人氣急升,不過阿 Moon(劉佩玥)一直未有突破,本來接了梁材遠新劇《果欄中的江湖大嫂》飾演酒吧老闆娘的她,心急升呢,臨開拍前突然辭演,原來她決定接拍另一部劇《跳躍生命線》做女二,監製最後搵馮盈盈執二攤兼加重戲份。

監製放生

今年三月大台在《香港國際影視展 2017》宣布《果欄中的江湖大嫂》演員陣容,除陳煒、黃光亮外,劉佩玥亦榜上有名。不過五月劇集開拍前, Moon(劉佩玥)卻突然向監製梁材遠提出辭演。

「其實五月時,《果欄》嘅班底已經齊晒,阿 Moon當時先同材叔講要退出,話另一個劇《跳躍生命線》搵佢做女二,同一時間開拍,所以只可以二揀一。材叔出名好人,好多時企喺演員角度諗,阿 Moon心急上位,有機會做女二,佢梗係放人。」

《果欄》在今年三月的《香港國際影視展 2017》已經開始宣傳,劉佩玥、黃浩然、陳煒等劇中演員亦有出現。

閨蜜陳瀅任《跳躍生命線》女一,劉佩玥做女二,兩姊妹不時 po床上刨劇本照。

劉佩玥在《城寨英雄》演富家女「柯德莉」,與伍允龍無論戲裡戲外火花十足。

盈盈「是非精」入屋

劉佩玥原本在《果欄》飾演的酒吧老闆娘,造型 cool爆,好有發揮,最後由馮盈盈執二攤。「今次盈盈算係執到好籌,佢本來係做另一個平凡靚女角色,戲份唔多,材叔睇咗佢近期喺《學是學非》演出,覺得佢生鬼又有可塑性,所以俾佢試劉佩玥嘅角色,試完造型之後,大家都覺得佢好 sharp。加上盈盈同楊明會有感情線,阿楊可以帶佢入戲,應該冇問題。」知情人說。

劉佩玥劈炮唔撈,馮盈盈(黃圈)執二攤接好籌,被監製梁材遠(藍圈)狂加戲。早前在造型會上,企正主角陳煒隔籬。

馮盈盈在《果欄》飾酒吧老闆娘,粗魯但冷艷,好有發揮。

近期馮盈盈靠《學是學非》中的「是非精」成功入屋。

馮盈盈做主持夠放,被材叔睇中執二攤。

撰文、攝影、攝錄:娛樂組


鍾意就快D Share啦!