網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年8月24日 星期四

放得低陳庭欣五年情 翟威廉叫劉佩玥返屋企過夜 [壹週刊 - 1433] __,庭欣,劉佩玥,翟威廉,陳庭欣,M1,

一世都係兵翟威廉同劉佩玥撻着了兩個多月,最近經常日對夜對。娛頭放得低陳庭欣五年情 翟威廉叫劉佩玥返屋企過夜港男翟威廉(William),最近透露同港姐 ...






一世都係兵

翟威廉同劉佩玥撻着了兩個多月,最近經常日對夜對。

娛頭

放得低陳庭欣五年情 翟威廉叫劉佩玥返屋企過夜

港男翟威廉( William),最近透露同港姐女友陳庭欣( Toby)五年情玩完,全因 Toby背住 William撻着有米大狀唐偉倫,論家底、論事業, William輸晒,五年兵生涯都是白做。

不過 William已經重新振作,搵到新目標,但今次都係遇上「收兵」高手,同樣是港姐的劉佩玥,二人一撻即着, William仲成功氹掂女方返歸過夜,果然近水樓台先得「玥」!

爭取做情侶

一直心甘情願做兵的翟威廉( William),死心塌地愛陳庭欣,點知對方 15年搵到有米律師唐偉倫,即被一腳伸開,貶回做朋友關係,但係 William都繼續苦等,他的感情生活真空兩年,直到最近遇上劉佩玥( Moon),出晒名 watt數十足的 Moon,鎖定「新兵」 William後,更加主動出擊,為製造更多相處機會, Moon更大膽向大台提出辭演新劇《果欄中的江湖大嫂》,反而接拍另一部劇集《跳躍生命線》做女二,同 William飾演情侶,順理成章日對夜對。





William情深望住女友, Moon冧到暈。





大熱天時拍外景, Moon用劇本為自己同 William撥涼消暑。





開工見唔夠,熱戀情侶收工繼續黐到實,孖住搭的士離開。





Moon辭演《果欄中的江湖大嫂》,在《跳躍生命線》做女二,同 William做一對。

兵哥名單

一向熱情主動的劉佩玥,慣性向同劇對手出擊,入行短短四年,成功姣掂不少裙下之臣, watt數極強。

何猷亨

15年,賭王四房兒子何猷亨被拍到買外賣到片場探 Moon班,其後女方亦非常主動,人肉速遞上猷亨君臨天下寓所,可惜最後被好友陳瀅捷兄先登。

黃又南

15年 5月,有傳劉佩玥與黃又南合作拍無綫劇《殭》火速撻着,二人更在車上談心互嘴。

周志文

與食女王周志文傳緋聞,有傳二人在 K房飲大兩杯後狂嘴,早前,有傳 Moon再翻撻周志文,孖住男友齊齊遊上海,連周志文全男班打籃球賽, Moon都要 mark到實。

伍允龍

拍《城寨英雄》搭上拍檔伍允龍,二人不時孖住出席朋友飯局,又不避嫌去圓方睇戲,女方更被拍到出入伍允龍位於長沙灣昇悅居寓所。

陳安立

上月被爆硬撬黃心美男友兼 ViuTV主持陳安立,二人被拍到於西環撐枱腳,其間更細聲講大聲笑兼玩自拍,態度親暱,再直落到數碼港睇戲, Moon更做埋司機,車出車入。

張彥博

與張彥博合作《一屋老友記》傳出緋聞,二人經常一齊開 live jam,情深對望,男方更公開大讚 Moon是他的女神。

麥精兩份飲





Moon開盒麥精解渴,飲兩啖就順手遞俾 William,作為男友的 William嗒住支管狂啜 Moon口水尾,好味!

難得有女方做主動, dry足兩年的 William話咁易上釣,日前兩人在九龍城為新劇《跳躍生命線》開工。大熱天時, Moon拎起盒麥精解渴,飲完兩啖再順手遞俾 William,男方即刻擺入口狂啜,之後仲要狂嗒支飲管,完全唔避忌!

對完一輪戲, Moon同 William合拍地在鏡頭前拖住手仔做情侶,導演嗌 cut機,兩個依然死唔肯放手繼續拖,無論鏡頭前後一樣孖公仔,之後 Moon又拎住劇本當扇,幫男友撥涼,二人又不時對望冧笑,寓工作於拍拖,對足一日都仲未夠喉。收工時,兩人繼續黐到實,齊齊搭的士鬆人。

連環錫嘴

另一日兩人又在西貢村屋開工,今次仲攞正牌嘴嘴,導演一 roll機,兩人話嘴就嘴,完全冇尷尬,雖然只係蜻蜓點水式,但隔住個 mon都 feel到佢哋好 enjoy。

「劇入面除咗有錫錫,其實仲有啲更激嘅場面, William仲同導演講笑話佢同 Moon冇底線喎!仲有佢哋無論開工收工食晏都黐到實,我哋仲見過 Moon俾個電話任由 William睇,話佢哋冇嘢都真係無人信!」劇組人員透露。





早前兩人在西貢為劇集拍外景,呢晚有得攞正牌錫錫,爽呀!





8月 8日, William約埋周志文、周志康、蝦頭、何廣沛在 Big Big Channel開 live唱歌,而未有在 live現身的 Moon原來一收工就殺上屋等男友開餐。





Moon做「主力」經常出現由男友做統籌的「 Happy Live」。





未知是否有醋意,當麥明詩加入做直播, Moon處處針對對方。

氹掂上樓

William同 Moon可以極速撻着,全因兩人有共同嗜好,他們都鍾意唱歌同彈琴玩音樂,他們經常一齊約埋開 live夾 band唱歌。

在八月八日晚上, William同張彥博、周志文、周志康、蝦頭及何廣沛在旺角寓所開 live,當晚 Moon因為要開工沒有出現,但當做完 live凌晨十二時,一行人拉大隊去附近茶餐廳消夜, Moon突然出現一齊消夜,但其間 William俾蝦頭 mark實吹水,搞到 Moon勁無癮,一離開餐廳, William吼準機會,即刻同 Moon打眼色,之後兩人夾手夾腳送走班 band友後,再急急腳閃縮返上樓,繼續二人世界,記者等到凌晨四點,都未見 Moon離開。

據知 William同 Moon拍拖兩個多月,感情極速升溫,女方更經常登堂入室。

「 William個工作室除咗做嘢,基本上佢喺嗰度住埋咁滯㗎喇,而 Moon都當正嗰度係自己地方咁,佢同好姊妹陳瀅同何雁詩住喺大埔,有時收得夜唔想返咁遠,咪索性去 William度瞓,佢而家會好似女主人咁招呼我哋,有次練歌練得夜,大家都準備走,但 Moon就話第二日自己喺附近外景,所以留喺佢度 hea多陣就直接開工。」知情人士透露。





Moon一收工就趕去同 William宵夜, mark實男友。





食飯期間, Moon孖住另一位男性友人玩自拍。





坐對面的 William見狀,即整色整水企起身夾餸俾對方。





一大班朋友在場,全程俾蝦頭 chur住傾的 William,吼準時機向 Moon打眼色, Moon隨即跟住上樓。





Moon當正自己係女主人,同 William夾手夾腳送別朋友,再孖住上樓二人世界。

戒夜蒲

William一向都是中環夜蒲常客,但自從同 Moon拍拖後, William亦修心養性戒掉夜蒲,一得閒就 keep住約嘉賓開 Live唱歌,睇準市場為事業鋪路。

「 William發現 Toby同咗個律師一齊之後,佢都不知幾唔開心,唔好睇佢表面好似好冇嘢,嗰陣佢幾乎日日去蘭桂坊都飲到爛醉,醉咗仲要打俾啲 friend數自己溝女戰績,睇得出佢真係好大打擊,但自從做統籌搞 Happy Live後, Moon又肯做主力陪佢一齊打拼,依家我哋約佢去蒲佢都 say No!」 William身邊人說。





Moon入行四年緋聞不絕,之前拍《城寨英雄》就同拍檔伍允龍公開打情罵俏。





William早前在專訪節目中就承認同陳庭欣分手結束五年情,事後女方詐型,搞到 William急急改口風否認。





13年,擁有九頭身的 Moon參選港姐,奪得季軍。





10年,翟威廉參加香港先生時一直是大熱門,而最終他更成為八料冠軍。





William入行以來經常在劇集做閒角,上進的他今年投資工作室做音樂,為自己事業鋪路。





同 William拍拖多年的陳庭欣, 15年就背住男友同有米大狀唐偉倫撻着。

專吼港姐

圈中出現唔少港姐殺手,多年來對港姐都情有獨鍾,幾代女友都係選美出身。

袁偉豪

因為《城寨英雄》人氣急升的「牙佬」袁偉豪,去年於社交網站宣布與拍拖三年的前港姐岑杏賢分手,最近被踢爆秘撻港姐「友誼小姐」張寶兒,二人於拍攝旅遊節目《打工捱世界 II》時日久生情,火速撻着。

鄧健泓

04年,與拍拖四年的港姐亞軍原子鏸分手後,即搭上同劇拍檔最上鏡小姐李施嬅,二人因聚少離多, 09年結束五年情。 12年,鄧健泓再搭港姐冠軍張嘉兒,二人合作《飛虎》一拍即合,可惜都是分手收場。

胡杏兒老公 Philip Lee

胡杏兒老公 Philip婚前已與不少圈中人相熟,曾與華姐張曦雯傳過緋聞,其後又跟李施嬅低調拍拖一年, 15年,成功將港姐季軍胡杏兒私有化。

撰文:娛樂組

攝影、攝錄:陳亦龍、楊紫、李溢敏


鍾意就快D Share啦!