網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年8月31日 星期四

四葉仔司徒瑞祈 慈雲山賣冬瓜茶 [壹週刊 - 1434] __,司徒瑞祈,M1,

探熱針四葉仔司徒瑞祈 慈雲山賣冬瓜茶04年憑青春愛情劇《赤沙印記@四葉草2》出道的司徒瑞祈(阿水),當年以香港泳隊代表、方力申師弟做賣點,一出道即做男 ...






探熱針

四葉仔司徒瑞祈 慈雲山賣冬瓜茶

04年憑青春愛情劇《赤沙印記@四葉草 2》出道的司徒瑞祈(阿水),當年以香港泳隊代表、方力申師弟做賣點,一出道即做男二備受力捧,其後卻星途平平, 08年,被投閒置散的阿水在澳門賭場消遣誤借貴利數,連利息一共欠債 80萬,事件愈鬧愈大,阿水公開道歉後事業插水。事隔九年,阿水未有因而一沉不起,今年四月決定唔續約離開無綫的他,終於儲夠錢,七月在慈雲山開檔賣冬瓜茶,完成開小食店心願。

踩足十五粒鐘

阿水投資的台式小食店《阿水廚房》籌備接近三個月,試業一個月,八月正式營業,上週四(八月廿四日),攞住沙冰的他在店內招呼客人,一腳踢包辦沖茶、煮食、樓面同收銀,收鋪後更要負責清潔。朝早六點開鋪,直踩到晚上九點,一日做足十五粒鐘。雖然辛苦,但依然心情靚爆。

「我一共投資咗六十幾萬,包括租金、裝修、出小食牌同請咗一個員工,其實身邊朋友幫咗好多,真係好多謝佢哋。」阿水說。





運動員出身的司徒瑞祈(阿水),事事講求投入,雖然是老闆,但由烹煮到出菜,都是自己的工作範圍。





店裡所有飲品都是阿水親自調製的,「之前試過去唔同餐廳每日飲十幾廿杯奶茶、咖啡,務求研究到至正嘅味道。」





下廚難免切親手,早前阿水弄傷食指,街坊們得悉後即四面八方送上藥膏,連指套都送埋,人間有情。





兒童組前輩譚玉瑛姐姐早前專程去捧阿水場,對食高要求的譚玉瑛也大讚食物有水準。

招牌救命茶

在無綫十三年,拍劇僅得十五部。事緣○八年欠下賭債,雖然積極籌錢償還,但還是牽涉家人和公司,自此被安排做兒童節目,未有再接拍任何劇集。曾經跌倒,經歷過後反而令他有所啟悟。

「我相信做事難免遇到困難、阻滯,但能夠跨過就冇問題,就好似以前做運動員,有好多不同訓練。開小食店係我多年夢想,自己更加唔會咁易放棄。」阿水說。

廚藝自問普通,阿水說幸得一班識煮朋友從旁指點,現在店內有自家製蘿蔔糕同春卷。他最愛台灣美食,尤其喜歡冬瓜茶,炎夏開檔,他索性以消暑冬瓜茶做生招牌:「我用黑糖做冬瓜茶同沙冰,試過有幾個喺附近球場打完波嘅男仔嚟食嘢,飲完成杯冬瓜茶,話好消暑解渴,係佢哋嘅救命茶,所以我將冬瓜茶改名做救命茶。」

開食肆做老闆,不過阿水也沒想過自此絕跡娛圈,早前拍完 ViuTV真人騷講運動生涯,有時間更會教游泳班,總之多勞多得,積極搵

錢。





方力申師弟





04年阿水(黃圈)被選中參演《赤沙印記@四葉草 2》,戲份僅次男一馬德鐘。





出生於游泳世家的阿水,六歲便習泳,十歲便代表香港出賽,至今打破了多項香港紀錄, 06年正式退役。未入行前,有「理大陳豪」稱號。





仍是港隊時,有幸與奧運飛魚菲比斯( Michael Phelps)同場。





在大台 13年,阿水做得最多的是體育節目主持。





08年開始,阿水被大台派往做兒童節目主持,但卻認識到一班真摯朋友。





05年仍是泳隊成員的阿水,在工餘時間拍攝以飛行服務隊為骨幹的電視劇《隨時候命》,與鍾嘉欣有很多對手戲。

撰文、攝影、攝錄:娛樂組


鍾意就快D Share啦!