時光飛逝呀！
藝人古天樂（古仔）、雪兒及陳漢娜忙於為新戲《殺破狼·貪狼》宣傳。入行以來未試過「打得咁甘」的古仔，笑指自己其實拍了部電影叫《太甘》：「呢啲打法以為只會出現喺洪金寶身上，起初睇到劇本對眼都跌咗落嚟，惟有逐步逐步嚟，每日訓練、現場又練，要記招式，係好玩嘅，只係拍攝時要顧及節奏，打出去又驚冇力。今次都算應付到，掌握咗一啲指引，依家我都拍緊另一套打戲，隻手瘀咗。」古仔又謙稱拍檔Tony Jaa練兩次打戲，自己卻足足練出半天！
多年來有聯絡
相隔17年再與雪兒合作，古仔表示：「我哋去泰國外景，要搵一位女角做我囡囡童年回憶嘅媽媽，咁啱嗰時電視播緊《創世紀》（雪兒有份演），我同雪兒係有聯絡嘅，咪提議搵佢囉。」據悉今次雪兒佔戲不多，她形容與古仔合作舒服：「自然囉，大家old friend嘛。」
陳漢娜讚古仔型
至於陳漢娜則表示今次能夠與古仔合作，感覺相當夢幻：「有個爸爸咁型，現實生活冇可能，好幸福呀。」
來源 source: http://hk.on.cc
|
鍾意就快D Share啦！
|
|
|
