2017年8月8日 星期二

尖鼻兼下巴變三角形 張惠雅進化思琦2.0 __,張惠雅,思琦,

Regen成功進化楊思琦2.0!前女子組合HotCha成員張惠雅(Regen),自組合拆夥及離開星娛樂唱片公司回復自由身後,已簽約無綫部頭約成藝人,因 ...


Regen成功進化楊思琦2.0!

前女子組合HotCha成員張惠雅(Regen),自組合拆夥及離開星娛樂唱片公司回復自由身後,已簽約無綫部頭約成藝人,因沒有經理人關係,近年要自謀財路。

早前終於有財神找上門,有醫學美容公司以6位數字主動邀她任代言人,而在新一輯廣告中,特寫了她變高的尖鼻,而且下巴呈三角形,並以粉橙色低胸裙晒豐胸。現年28歲的Regen樣子跟幾前年的圓鼻頭、梯形下巴及iPad胸明顯有別,整個人變靚又有女人味,且驟眼看跟剛生日的前港姐冠軍楊思琦有八成似樣,儼如思琦2.0,做美容代言做到樣都變晒,惹來整容及隆胸疑雲。

認思琦做家姐

Regen接受東網訪問時,直認和思琦似樣:「唔係第一次畀話似思琦㗎啦,好多時啲人眼甘甘望住我,想問我時,我就搶先同佢話我係Regen,(你覺得似唔似?)似㗎,尤其個酒窩,所以我叫思琦做家姐。」不過她自嘲沒有思琦的34C好身材,她說:「我個胸冇佢咁勁囉。」

「早知趁機整埋個鼻」

Regen又稱「變靚」似足楊思琦跟整容無關,只承認接受了令皮膚更有彈性的療程,至於為何變了「思琦」,她逐點解釋:「個鼻冇整,如果要整,早喺兩年前,我撞車撞歪咗個鼻時整埋啦,嗰次我用咗幾萬蚊做矯形手術,依家諗起錯過順便整高個鼻嘅機會,我都呻笨呀。(個下巴尖咗喎?)可能年紀大咗,加上又成日做運動,肌肉緊咗又瘦咗,冇咗baby fat咪尖啲囉。」又指她家中長輩思想保守,不會接受她整容,她說:「我未接受到植入式美容。」

穴位按摩變大胸

至於事業線由冇變有,她就直認有做「手腳」,現時讀中醫的她也有研究按摩及針灸,她說:「發現原來穴位按摩係可以令個胸變大,我自己幫自己按咗成年,真係得咗,雖然cup數未變,但真係脹咗,我諗如果成功,就將呢個方法發揚光大益吓啲姊妹,唔使冒險做手術。」

考慮讀五年中醫

Regen又話對中醫愈來愈有興趣,有考慮明年「暫別」娛樂圈五年返內地讀全日制中醫課程,不過她又嘆「有心未必有力」,皆因五年的中醫課程學費連生活費要成50多萬,對她來說是個「大數目」,她表示:「今次做代言有6位數,但距離我嘅目標仲好遠,希望以後啲廣告好似今次咁自己嚟搵我咁好彩啦,等我儲多啲錢。」她現時沒有經理人,故要學習硬着頭皮「𢱑撈」,她又說:「我面皮好薄,唔敢爭取工作機會同價錢,不過為咗儲呢筆學費,我都要學吓積極同厚臉皮啲,(最想拍咩廣告?)女性用品同運動用品,因為好適合我。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...