掃呢頁CODE去手機

2017年8月19日 星期六

【忘年戀開花】29歲前港姐亞軍嫁53歲練馬師 筵開25席 __,港姐,

53歲香港練馬師賀賢與29歲女友前港姐亞軍李姿敏,早前已在澳洲舉行婚禮共諧連理,並於今晚在中環四季酒店擺喜酒,筵開25席,宴請雙方親友及馬圈中人。現場 ...


53歲香港練馬師賀賢與29歲女友前港姐亞軍李姿敏,早前已在澳洲舉行婚禮共諧連理,並於今晚在中環四季酒店擺喜酒,筵開25席,宴請雙方親友及馬圈中人。現場佈置以白色簡約為主,新娘子身穿低胸長尾婚紗,綴以珍珠頸鏈及耳環,左手無名指巨鑽非常搶眼;新郎則身穿寶藍色禮服,合照時賀賢輕吻太太面頰兩次,不過受訪時都是由太太發言較多,她稱早前已在澳洲註冊,舉行一個小型婚禮,賓客約七八十人左右,同屆港姐冠軍劉倩婷同季軍熊穎詩都有去,今晚兩人亦會出席。「今次返嚟香港,因為David爹哋媽咪喺呢度都較多朋友,而且David好多生意上嘅夥伴都係喺香港,所以舉行多次慶祝,而且大型少少,有25圍,盡量想規模唔好咁大,可以多啲時間同朋友傾偈。」李姿敏稱今日冇接新娘環節,因為老公嘅兄弟團都喺澳洲,所以程序亦盡量簡約,不過都有斟茶俾長輩,David都有入鄉隨俗跪低敬茶。」她稱有教丈夫講「斟茶」,此時賀賢聽到,都忍唔住笑,話今日好似上堂咁。李姿敏又話家人都有催佢哋生B,其實兩公婆亦都ready造人大計,因為大家都好喜歡小朋友,不過David就有一個要求,就係如果真係有咗,佢希望太太可以保持神秘,唔好話俾佢知胎兒性別,留番出世一刻有驚喜。但李姿敏就好似有晒plan,希望第一胎可以生仔,第二胎係女,湊成一個好字。「哥哥可以保護妹妹,我都係一個好傳統嘅人。」老公要等BB出世一刻先至知生仔定女,李姿敏笑言自己一定要忍得住唔好爆響口,同埋買BB衫時,都要忍住。

(攝影:仇志德、馬建華) 53歲香港練馬師賀賢與29歲女友前港姐亞軍李姿敏,今晚在中環四季酒店擺喜酒。 場佈置以白色簡約為主,新娘子身穿低胸長尾婚紗,綴以珍珠頸鏈及耳環,左手無名指巨鑽非常搶眼。
李姿敏又話家人都有催佢哋生B,其實兩公婆亦都ready造人大計。

來源 source: http://s.nextmedia.com
鍾意就快D Share啦!