掃呢頁CODE去手機

2017年8月30日 星期三

【追足2年●KO小方】發力過賭王一關 楊受成細仔溝掂何超蓮 __,小方,何超儀,何超,賭王,何鴻燊,楊受成,何超蓮,超蓮,方力申,

作為一個兵,你最大的敵人是一種叫契哥的生物。唔信?你睇超蓮收的一班兵哥,方力申、霍啟山、柯震東,依家都冇碇企,因為俾契哥楊政龍KO晒。埋身追足契妹兩年 ...


作為一個兵,你最大的敵人是一種叫契哥的生物。

唔信?你睇超蓮收的一班兵哥,方力申、霍啟山、柯震東,依家都冇碇企,因為俾契哥楊政龍KO晒。埋身追足契妹兩年,近幾個月他終於攻陷超蓮防線。

超蓮同吳克群拍拖時,楊受成細仔楊政龍已經好冧她,得唔到女神,做契哥黐實都好呀,於是楊政龍死守這個有利位置。

他絕不放棄,終於等到超蓮同吳克群分手,不過這個時候又有內地富二代劉根森、霍啟山等等出現,方力申同超蓮去尼泊爾探訪,更sweet到幫超蓮按摩條頸,但他仍然沒放棄。

憑住契哥這個身份,他去年開始密密陪超蓮,跟她坐頭排睇Twins演唱會。之後又陪她飛去北京撐甄子丹場。

去年年尾,他約阿Sa、張敬軒搞星級飯局,成班人幫拖追超蓮,不久Alex方力申就正式出局。同樣叫Alex的楊政龍就得米,升呢坐正。

今年情人節,超蓮做義工派曲奇,楊政龍抬腳架做隨隊攝影師,跟她共度情人節。放時間、心機在她身上,超蓮終於被溶化。

但楊政龍尚要過賭王那關,畢竟當年他的同父異母哥哥楊其龍,跟超蓮的同父異母家姐何超瓊拍拖時,賭王狠批楊其龍質地唔好,所以楊政龍好勤力工作,用實力證明自己質地好,希望賭王開綠燈。

其實楊受成一直部署細仔楊政龍接班,做150億英皇王國掌舵人。他於美國大學畢業後,返英皇幫手,由低做起,負責地產及金融部門。現在他不時代表公司去投地交標書,參與不少地產項目。

超蓮愛屋及烏,對英皇的樓盤特別關注。上星期五,她秘睇英皇新盤喜遇的示範單位,好關心楊政龍的工作喎!

相關文章:

【大佬其龍曾嗒何超瓊】楊政龍超蓮打風睇戲車廂談心

http://bit.ly/2gnnSj0

最索千金多仔埋身 盤點何超蓮兵哥

http://bit.ly/2wGdFEE

【索爆楊秀惠黎紀君埋身】楊政龍逐步接收楊受成150億王國

http://bit.ly/2xJOxdb




來源 source: http://s.nextmedia.com
鍾意就快D Share啦!