出現了！Mandy Lieu同周焯華洗米華(係，又係佢…)又出現了。地點在英國。係吖，之前已經同大家預告過，Mandy、松岡李那、洗米嫂陳慧玲，將會歷史性在倫敦大團聚。於是，機場變得很熱鬧。本月13號，先有一支公嘅洗米華漏夜喺香港機場出現，搭CX251飛倫敦。洗米嫂都未出發，松岡剛去咗台灣工作(新聞連結： http://bit.ly/2vFbFtE )所以，毫無疑問，今次係陪Mandy。噚晚(15號)，香港時間晚上9點19分左右，Mandy同洗米華拖住手仔，在倫敦，行Nike專門店。拖手仔？不意外吖！重點喺個肚。讀者黎小姐透過「爆相爆片」報料稱：「啲相係我阿姨喺英國影嘅，見到佢兩個入咗去Nike專門店，見到Mandy個肚已經幾大，佢哋行咗半個鐘，邊行邊傾。」Mandy又有咗……？!目測Mandy個肚真係幾大，如果唔係發福的話，咁即係有喜啦 !相中只見Mandy剪短了頭髮，應是遵從長輩教導，唔好搶BB營養，同埋預備坐月期間方便打理。如果大家仍然記得呢個story發展，故事前文係提到，洗米華係喺差唔多時間，經友人介紹下正式同松岡李那做朋友，「一撻即著」，令在倫敦湊仔嘅Mandy大動肝火。之前Mandy一直好配合洗米華，本來plan好晒帶埋小朋友返港，但因為洗米華想箍煲令洗米嫂唔好離婚，所以應男方要求，繼續留在英國，低調地專心湊女，點知……亦係呢段時間開始，洗米華大部份時間都用嚟陪松岡之後，人在倫敦的Mandy被雪藏。結果忍無可忍，話唔見男方，以退為進希望洗米華回心轉意………豈料今年6月就爆出洗米華孔雀開屏、在安以軒婚禮上與松岡攬腰共舞片段。計番條數，如果Mandy真係有咗，咁咁好可能呢個B，係洗米華同松岡「做朋友」之前、或者Mandy知道有松岡出現之後，即係上年年底，或者今年年初製造，用肚箍住洗生……32歲嘅Mandy，之前已為洗米華誕下一女一子，兩年抱兩，如果真係又陀B，即係三年抱三，果然係進擊。至於另一邊廂的洗米嫂，近年全副心思擺喺兩個女同個人事業上，曾向閏蜜透露已唔太著緊個老公，而為咗保護家人同仔女，先至保持一個完整嘅屋企。
|
鍾意就快D Share啦！
|
|
|
