掃呢頁CODE去手機

2017年8月10日 星期四

聽日生日 薛凱琪買3630萬豪宅獎勵自己 __,薛凱琪,

薛凱琪買咗3,630萬嘅豪宅。歌手薛凱琪(Fiona)出席「周大福TMARK美鑽‧唯真之旅」發布會。Fiona佩戴品牌最新系列總值超過400萬港元的珠 ...


薛凱琪買咗3,630萬嘅豪宅。

歌手薛凱琪(Fiona)出席「周大福 T MARK 美鑽‧唯真之旅」發布會。Fiona佩戴品牌最新系列總值超過400萬港元的珠寶。在台上與司儀陸浩明談到擇偶條件,Fiona坦言想對方有內涵和心地好,以及有相同價值觀。而外形及國籍則不太重要,更自爆從小到大的暗戀對象都是中國人。明天(11日)是Fiona的36歲生日,一眾場外粉絲為她唱生日歌,而生日願望是希望所有人都健康快樂。

為過生日推job

Fiona表示本來是有工作在身,但她為了過生日,私下秘密地推掉工作,她說:「我覺得過去一年都好忙,嚟緊又會接內地嘅劇,所以想正日生日唔賺錢陪吓媽咪,朋友話搞生日,但我又冇話想有個大Party要搞,同埋我媽咪都鍾意留喺屋企食飯,話我成日喺出面食啲唔健康嘅嘢,所以想正日留番畀佢,多謝佢咁辛苦生我出嚟。但如果畀佢知我生日有錢唔賺,可能會話我傻。(媽咪親自下廚?)我冇所謂,最緊要睇佢想點,佢有時寧願自己煮都唔出街食。」而Fiona昨日(9日)已跟同樣獅子座的黃柏高(Paco)、谷德超、許志安及劉浩龍集體慶祝生日,去了食麻辣鍋和唱卡拉OK,她表示今朝把聲還是很沙,但現時還好。

同屋企人住

問到是否因為生日所以購買何文田區3,630萬港元的豪宅獎勵自己,Fiona說:「都係嘅,覺得依家呢度住咗好耐,想轉吓新環境。(咁大手筆?)咁辛苦咗咁耐,我又冇車牌又唔戴錶,最好就係花錢落去啲保值嘅嘢,對屋企人同對自己好。(同父母同住?)係呀會同住。」

唔怕嚇走男仔

問到生日願望會否希望有男仔陪伴,她說:「我唔夠膽許呢個願,我每年都許身邊嘅人快樂。同埋我信上天,如果許咗之後冇,費事好似責怪上天咁。咁上天見我勤力做嘢又乖係個好人,喺啱嘅時候就會安排我結婚生仔,但覺得唔係今年。(依家有埋樓想追你咪好難?)記得有次訪問係問我做埋老闆驚唔驚啲男仔唔夠膽追我,我就答『一個男人係咪好Man同佢嘅自尊心唔應該係我畀,係自己畀自己』我相信我未來老公會知我哋相愛,唔會因為我係老闆有幾多層樓而唔追我,佢要知道佢好愛我,就算冇樓冇車,我哋嘅愛都可以好堅定,我對未來老公有信心。」

Fiona透露今個月會推出錄了4年的國語專輯,表示專輯的監製方大同經常催她出歌,如今終於能夠推出感到很開心:「首新歌好Sweet,叫《520》即係我愛你。」


來源 source: http://hk.on.cc
鍾意就快D Share啦!