2017年8月12日 星期六

42歲陳昭昭趕嫁  「希望佢以後會乖」 __,陳昭昭,

男友瞞婚行外父政策獲原諒42歲陳昭昭趕嫁「希望佢以後會乖」娛樂要聞【《蘋果》專訪】今年雙春兼閏月,娛圈喜事重重,現年42歲、曾主持有線成人節目《性在任 ...


男友瞞婚行外父政策獲原諒

42歲陳昭昭趕嫁

「希望佢以後會乖」

娛樂要聞

【《蘋果》專訪】

今年雙春兼閏月,娛圈喜事重重,現年42歲、曾主持有線成人節目《性在任你Call》的陳昭昭將於今年12月7日跟中港司機李先生步入教堂,展開人生新一頁。一對準新人昨影婚紗相,曾被爆瞞婚的男友,行外父政策終獲原諒,昭昭表示期望對方婚後會變乖。



陳昭昭與未婚夫李先生今年底拉埋天窗,昨接受本報專訪及影婚照。

現年42歲、曾主持有線成人節目《性在任你Call》的陳昭昭,近年轉型從商,前年戀上中港司機李先生(Frankie),去年底爆出她受李生舊愛溫小姐的「午夜凶鈴」騷擾,之後又爆出李先生瞞婚兼有一女。昭昭去年底曾開記招否認搶人夫,男友其後也為瞞婚登報道歉,二人才冰釋前嫌,於今年復合,更決定趁今年雙春兼閏月拉埋天窗,於今年12月7日在港結婚,並筵開50席大宴親友,一對準新人昨日在尖沙嘴接受本報專訪及影婚紗相。

飯盒藏戒指

昭昭穿上露肩婚紗,大騷33C事業線,她又挨又拖又攬着未婚夫,兩人都笑到四萬咁口。問到昭昭如何被李先生打動,她大爆對方下了不少冧功:「佢之前飛柬埔寨搵我爹哋,同我爹哋解釋之前有啲嘢做得唔係咁好,佢行屋企人政策,有誠意。」求婚時更有小插曲,昭昭說:「佢將求婚戒指擺落飯盒,我食食吓飯,因為唔舒服將個飯盒掉咗,佢執番個飯盒,搵番隻戒指出嚟,我好surprise,冇諗過個飯盒會有隻戒指,所以應承咗佢。」



昭昭去年底被爆是第三者,她反駁早已與男友見家長,雙方感情穩定。資料圖片



陳昭昭(中)當年與陳梅馨(左)及張綺桐主持有線成人節目《性在任你Call》。資料圖片



33C陳昭昭早年曾走性感路線,現已轉型從商。資料圖片

昭昭與李先生拍拖兩年半,其間幾經波折,身為虔誠天主教徒的她說:「上帝畀好多考驗,希望結婚後唔好咁多波折。我先生唔係富二代,希望平平穩穩過埋下半世。」兩人婚後會積極造人,她說:「先生鍾意女,我鍾意男,男女係上天安排,結婚後不設防,天主教提倡唔避孕,順其自然,上天賜幾多就幾多。有小朋友後,唔會減少工作,反而會叫老公戒煙。」

輔導幾個月

一對準新人正接受婚前輔導,昭昭續說:「都係教會提倡,我哋婚前唔了解,結婚前接受輔導到婚禮完成,之後簽番證書,好似讀咗一個戀愛課程,男女相處係好深學問。拍拖同建立家庭關係,完全兩樣嘢,係好深藝術。我哋接受輔導咗幾個月,雙方了解咗好多,好多嘢唔會直接同對方講,係同輔導員講,直接同對方講會傷害到對方,希望藉住我哋嘅婚禮,宣揚重視婚姻,尊重家庭嘅訊息。」李先生曾被爆瞞婚,兩人一度分手,昭昭回想:「雖然過往有啲唔開心負面新聞,但佢家庭觀念好重,一直好take care我同錫我。」

對於婚禮安排,昭昭表示邀請了林雅詩和仙樂都做姊妹,婚禮會在教堂行禮,也依傳統接新娘時着裙褂,晚上在酒樓設宴,她直言會當騷做:「同導演諗緊節目,三機拍攝,之後上載YouTube。」升呢李太後,昭昭表示仍會繼續幕前工作和慈善工作。

採訪:張俊銘

攝影:仇志德


鍾意就快D Share啦!
Related Posts Plugin for WordPress, Blogger...