45歲嘅江美儀性格剛烈，今年主持嘅《街市遊樂團》同《關你家事》都接連招非議，覺得佢份人說話太過尖酸刻薄，做節目好似三姑六婆講是非，通訊局都收到投訴。(相關新聞﹕http://bit.ly/2u7aJAH)雖然江美儀做主持口碑麻麻，但演技向來備受讚賞，除咗喺《親親你好媽》做嚴厲阿媽入形入格外，相信大家應該仲記得2012年江美儀喺《名媛望族》飾演嘅三太太穿黑絲情挑劉松仁一幕，至今仍讓人津津樂道。原來江美儀一雙美腿「亦正亦邪」，周三下午五點左右，江美儀現身又一城商場，佢穿上一條淺藍色恤衫款裙，條裙短到去大髀位，加上一對厚底涼鞋，大騷白滑美腿，好有少女feel。江美儀行去麥當勞買咗一個套餐，期間要經過Food Court，可能正值暑期，唔少學生見江美儀咁青春都會回頭望多幾眼，但反而令佢有啲唔自在，買完嘢食就急急步離開食肆樓層。江美儀之後去咗一間髮型屋，逗留約一個多小時，但髮型同之前變化唔大。之後江美儀去咗一間家品店購物，買咗一大袋戰利品，然後就去停車取車離開。
| (攝影﹕畢紹基) | | |
| | | |
來源 source: http://s.nextmedia.com
|
鍾意就快D Share啦！
|
|
|
