熱爆娛樂: 【獨家】老公蘇老闆冇影 46歲劉小慧帶囡囡飛北海道一腳踢 _

2017年8月29日星期二

【獨家】老公蘇老闆冇影 46歲劉小慧帶囡囡飛北海道一腳踢 __,劉小慧,

今年46歲嘅劉小慧，97年嫁俾草蜢成員蘇志威後，轉眼已經20年。二人育有兩女，大女君蕎今年18歲，細女靖珺今年10歲。婚後小慧一切以家庭為重，暑假檔期當然係最佳家庭活動日。上周二(22日)，颱風「天鴿」襲港前一日，有《蘋果》讀者見到小慧帶住兩個囡囡，另外仲有4個友人，一齊飛去北海道旅行，但就未見小慧老公蘇志威同行。

當日下晝約3點半，飛機抵達札幌新千歲機場，劉小慧一行人浩浩蕩蕩坐車到機場附近嘅租車中心。身穿粉紅adidas長身Tee，加件湖水藍外套嘅小慧，先安頓兩個囡囡，就同友人到櫃台辦理租車手續。

辦完手續嘅小慧，再到附近便利店買樽裝水同乾糧，然後分發畀各人放入袋中，然後就企定定搞自己張電話卡。現場所見，小慧大女君蕎，大部份時間都同同行其中一位男友人傾偈，同媽咪就唔覺有太多交流，相反細女靖珺明顯黐媽咪多啲。

小慧兩個女同樣讀瑪利諾修院學校，靚媽曾經講過，由於囡囡讀傳統學校，自己有段時間太着緊囡囡嘅學業，但到大女君蕎上中學後，開始放手畀囡囡自己安排，更話兩個囡囡將來讀唔讀得成大學都冇所謂，反而搵到自己興趣最緊要。早前，小慧出席活動，仲唔覺意爆咗大女有男友，自己亦見過對方，呢位媽咪都算開通！

	小慧喺租車中心買辦完續，再到便利店買糧，然後就企定定搞自己張電話卡。(圖片由讀者提供)	大女君蕎先去洗手間。(圖片由讀者提供)
(圖片由讀者提供)	(圖片由讀者提供)	18歲嘅君蕎已經身高就快追到媽咪。(圖片由讀者提供)
細女靖珺今年10歲。(圖片由讀者提供)	媽咪就叮囑細女執定嘢準備起行。(圖片由讀者提供)	大女同同行嘅男仔多嘢講啲。(圖片由讀者提供)
一行七人土北海道，但就唔見蘇老闆。(圖片由讀者提供)	到達機場轉坐巴士。(圖片由讀者提供)	之前兩公婆到馬場捧愛驅駿王。(資料圖片)
舊年蘇志威50歲生日，一家人一齊慶祝。(資料圖片)	蘇志威憑創辦嘅[跳舞學校，上個月喺理工大學獲頒發榮譽院士，又係一家人出動。(資料圖片)