2017年8月8日 星期二

【獨家】53歲翁靜晶與何東曾孫甜蜜拍拖 情到濃時...... __,翁靜晶,何東,

翁靜晶與何東爵士嘅曾孫何彪(SeanEricMcleanHotung)感情發展穩定,早前何彪法學碩士(仲裁及排解爭端法)畢業,翁靜晶都有到場支持。(相 ...


翁靜晶與何東爵士嘅曾孫何彪(Sean Eric Mclean Hotung)感情發展穩定,早前何彪法學碩士(仲裁及排解爭端法)畢業,翁靜晶都有到場支持。(相關新聞﹕http://bit.ly/2vEEIzA)噚日讀者方太透過《蘋果》「爆相爆料」,表示前日下午一時許,喺銅鑼灣禮頓中心嘅Starbucks見到翁靜晶同Sean。方太表示翁靜晶同男友手拖手入咖啡店,同行仲有一名外籍男友人,方太話﹕「佢哋一齊去買嘢飲,等候期間都好sweet,好自然咁攬住就kiss,仲kiss咗好幾次,無理身邊朋友,都幾open。」翁靜晶雖然已經53歲,但何太話感覺仲係好年輕,佢話﹕「可能佢染咗金色頭髮,望落都幾後生,仲成日望住男朋友笑。」翁靜晶前年都試過被何彪屋企人催婚(相關新聞﹕http://bit.ly/2vGHkNV),噚日《蘋果》再聯絡翁靜晶追問婚期?佢笑言﹕「做住皇帝女先,唔憂嫁!等啲女嫁晒先啦。」及後佢再認真咁話現在唔係結婚嘅好時機,佢解釋﹕「我現在唔可以同任何人結婚,因為定慧寺官司我好大負擔,如果嫁畀任何人,會令嗰個人負擔都好大。呢件事係我搞出嚟,我要將啲錢畀番晒捐款人,骨灰畀番苦主,我自己嘅事唔想累人。」

翁靜晶與何彪愛得如膠似漆,旁若無人攬腰錫錫。 同行仲有一位外籍友人。(圖片由讀者提供) 翁靜晶表示仍未有計劃結婚。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...