2017年8月9日 星期三

性格問題不涉「另結新歡」 陳煒認瞞分5年仍留戀前夫 __,陳煒,

陳煒昨日如常開工,大方談及與前夫仍保持朋友關係。
性格問題不涉「另結新歡」陳煒認瞞分5年仍留戀前夫陳煒昨日驚爆五年前已經跟台灣商人顏志行離婚,她接受訪問時承認因性格問題與前夫離婚,離婚由男方提出,由於 ...


性格問題不涉「另結新歡」 陳煒認瞞分5年仍留戀前夫

陳煒昨日驚爆五年前已經跟台灣商人顏志行離婚,她接受訪問時承認因性格問題與前夫離婚,離婚由男方提出,由於是和平分開,故至今仍維持友好關係,陳煒亦直言對這段婚姻關係仍相當留戀,不過由於現在相處融洽,暫沒打算復合!至於有指台灣歌手鄭雙雙是顏志行的新歡,陳煒斬釘截鐵代前夫否認:「佢哋只係普通朋友」!

43歲的陳煒於2008年與年輕三載的台灣商人顏志行結婚,隨後息影陪老公周圍去,十分恩愛,直至2012年復出無綫拍劇,當時有傳她婚變,但她一直沒有承認,至昨日有指顏志行與台灣歌手鄭雙雙關係密切,兩人更一起去峇里參加朋友婚禮。昨日陳煒於油麻地為無綫新劇《果欄中的江湖大嫂》開工,並接受傳媒訪問,終首度公開承認因性格問題,五年前已經離婚!雖然婚姻關係破裂,但直至現在雙方依然十分友好,陳煒在訪問中有時仍未能改口,依然以「我先生」來稱呼顏志行,並直言視對方為家人,仍保持密切聯絡。

記:記者

陳:陳煒

記:你同顏志行係咪經已離婚?

陳:(無奈笑)冇錯,最近好多流言,我覺得需要澄清番,對唔住各位,我哋五年前經已離咗婚。

記:離婚原因係?

陳:我同我先生因為性格嘅問題,加上大家喺兩個唔同嘅地方工作,所以有呢個決定,離婚係佢提出嘅,最後大家決定和平咁簽字離婚,不過直至現在都係維持緊家人嘅關係,平日都會有聯絡問候,了解大家做緊乜嘢。

「唔想涉及第三者」

記:有傳顏志行同台灣歌手鄭雙雙拍拖?

陳:絕對唔係,點解今次我要特別澄清,就係唔想涉及第三者,鄭雙雙我都識,我先生同佢嘅關係,佢(顏志行)都有同我講,而今日好似話佢哋去峇里參加朋友婚禮,其實都係個別邀請同埋個別去,但畀人斷章取義,放埋一齊嚟講。

記:佢哋係乜嘢關係?

陳:普通朋友。

陳煒與顏志行因性格問題低調離婚。
  • 陳煒與顏志行因性格問題低調離婚。
回復單身的陳煒專注工作,暫沒再考慮感情事。
  • 回復單身的陳煒專注工作,暫沒再考慮感情事。

為隱瞞觀眾道歉

記:上年你拍《煒哥的味道》,顏志行專程由台北跑到台南出鏡支持你,當時話咁嘅安排係力證你哋冇婚變,咁當時嘅情況係?

陳:因為佢好喜歡烹飪,同埋有開餐廳,佢係好樂意咁去支持我,同埋自願出鏡。至於當時我哋嘅關係瞞住咗觀眾,我喺度要道歉一聲。當年我決定嫁畀佢,當然係因為愛佢,呢五年我都好留戀之前嘅關係,所以先咁低調去處理私人事,同埋將自己嘅心神放喺事業上。雖然我哋分開咗,但大家都好了解大家,好多嘢都會互相分享,係親人嘅關係。

記:五年前離婚返嚟香港工作,會否覺得好孤單?

陳:一路以嚟我都好獨立,佢之前做嘢都會周圍去,所以都冇,加上當時公司(指TVB)、身邊朋友都好支持我,所以唔開心都已經過咗好耐。

不排除復合機會

記:初初離婚,雙方父母有冇覺得好可惜?

陳:當然會,家人、朋友都覺得好可惜,但去到冇彎轉嘅地步,就轉變去支持我哋。

記:其實Keep住咁好嘅關係,有冇諗過復合?

陳:唔敢講,將來嘅嘢冇人知,只可以話依家保持住好好嘅關係,將來嘅事唔知,依家係好朋友,希望畀啲空間我哋。

記:你決定公開同顏志行嘅關係,顏志行嘅反應點?

陳:支持,祝福我,我都祝福佢。

記:有冇為自己未來嘅感情作打算?

陳:冇,完全冇,如果有,都一早公開等人追,依家將所有心機放喺工作上,我會加油,大家唔使擔心我。

昨日陳煒開工,鏡頭前後都有笑容,沒有因私人事影響工作,而當完成油麻地外景後,如她所言現階段寄情工作,於晚上八時許她現身電視城繼續開工,再表示離婚已是很久之前的事,心情冇影響,至於五年前是否因離婚而復出賺錢,陳煒否認:「唔係,係出番嚟先離婚,工作都係我最重視嘅嘢,公司都知嘅,要多謝公司畀機會。」

文:影視組


鍾意就快D Share啦!
Related Posts Plugin for WordPress, Blogger...