2017年8月5日 星期六

【7毫子唔係錢?】俾$100 王喜不滿搭$39.3 的士司機找番$60 __,王喜,

呢個問題,的士陳都未必識答。香港的士司機的算術:100-39.3=60即係咁,八達通已經跑輸大市,當外國人眼中嘅大陸新四大發明:大陸高鐵、共享單車、網 ...


呢個問題,的士陳都未必識答。香港的士司機的算術:100 - 39.3 = 60即係咁,八達通已經跑輸大市,當外國人眼中嘅大陸新四大發明:大陸高鐵、共享單車、網購同最重要嘅呢樣——支付寶,已經發展得好成熟,甚至依家大家都唔興拎錢出街嘅時候,香港人仲用緊限制多多嘅八達通;搭的士,仍然要袋住成個包包散紙,八達通no way。如果搭的士都可以用八達通,咁,呢條算術:100-39.3 = 60,就易計好多。事緣王喜日前喺fb貼咗呢張圖,看圖識字。即係王喜(估計當事人係佢)搭的士,盛惠$39.3,王喜俾100蚊,司機找番$60。四捨五入,都冇理由係找$60。《蘋果》致電王喜,他表示不作回應。但熟悉他的人都知道,他是一個重原則的人。但這張圖,一石激起千重浪。的士司機嘅fb群組,就群起而怒__,有司機大佬怒爆王喜係「乞丐」。有人鬧王喜公審:

「沒找足錢當時就要求司機找足,而不應該事後才放上網來!」

「又無話王生錯嘅,不過身為公衆人物,為幾毫子放人上網公審人地就有點兒失身份組,感覺上好小家囉。」

「一個幾毫都要擺上網,佩服,不過依家啲人習慣輸打贏要,收少幾毫又會唔會表揚你呢。」有人話幾毫子費事找所以唔找:

「的士司機真係好難撈!幾毫子都計!我知,無條例話可以唔找嘛!好多時真係費事摷嚟找,你要咪找囉,x,唔通真係貪你一個幾毫咩。」有人話毫子唔係錢:

「7毫子可能會影響世界啩,我去七仔買嘢佢找我一毫我都直接轉身走人算啦。」

「呀婆見到毫子都唔執」

「真心講句,慣常我收到散紙都散在路上,待有需要人士或捐出去!」呢位應該係的士大佬:

「通常我哋尾數都唔收㗎啦,就算真係有啲咁貪心嘅司機,點解唔當面質問佢呢?現今真係乜嘢人都有,唉!香港人放鬆啲啦。」咁當然,意見嘅嘢,有正,有反。

「論點好得意,要找七毫就係乞丐,唔找嗰個又係乜呢。」

「明碼實價!冇咗!的士使乜咪錶啫!以後開一開的士車門,跟住俾錢個的士佬,跟手閂車門就啱嘞!乞衣?你應份找足俾客人呀!」

「Sorry,我搭車(尤其係巴士)真係$0.1都要計足0架,如果部8仔機收錯錢我會打熱線追數。」

「咁去7仔又唔使找毫子?點解要摷?唔係存心貪人幾毫子嘅話,做乜唔帶定個散銀盒開工?」

「支持UBER」

「$500又話冇得找,幾毫又話費事摷,叫你裝八達通又話麻煩!唔係貪嗰一個幾亳咪找番$1囉!」

「真係好__好笑,你找少咗錢,唔出聲問人介唔介意仲老__馮,一係你就乾脆貼__住個牌講到明啊ma~依家人哋講事實就喺度反客為主__人乞兒?」

「唔係話計你嗰7毫子,你估佢想袋7毫子咩。根本咁多年都係做壞規矩,司機都未問人要唔要找就自把自為貪多少少,唔想次次找毫子咁煩咪四捨五入都冇咁嬲。」

要睇網民鬧交,上網睇就可以。但有幾個問題:

1.點解香港的士冇八達通,或者用信用卡?

其實2011年1月,曾有信用卡與快易通合作推出「快易通的士」,車上設有信用卡收費配套服務,等乘客可以用信用卡繳付車資。全港首隊「碌卡」的士名為「飛的」,當時嘅車隊約有200至300部的士。半年後,八達通卡公司亦宣布引進搭的士「嘟卡」服務,當時喺300輛的士安裝八達通機,方便市民以八達通支付車資。依家仲有冇呢?你搭過未?又其實,香港的士業議會因應有人投訴的士司機態度差,推出過一個叫做「的士App」嘅應用程式自救,可以用信用卡俾錢,聲稱全部9,000部的士都可以接到柯打,仲可以揀態度好嘅認證司機咁話。不過生活科技網站UNWIRE測試過呢個app之後話,成功率奇低,成功機會率得1/5。點解唔肯用八達通?有網民估計因為要報收入,而且八達通會抽司機水;仲有人話可行性低,的士租車多,咁部八仔機跟車定跟人?有網民即提出可以用O!ePay,只要司機有部電話,客有八達通,可以即時過數。溫馨提示,2013年,有的士司機因多收女廉署職員$0.5車資,遭對方向交諮會投訴他濫收車資,最後鬧至警方接手,並提出檢控。律政司甫開庭即決定撤銷起訴,更指警方於檢控前,並無諮詢其意見,本案性質瑣碎,不宜繼續檢控。涉案司機指案件擾攘大半年,自己才是受害人。有業內人士認為即使是五毫,司機都不應「奉旨」多收車費。亦有的士司機問:「有陣時佢哋(乘客)畀少咁我哋點計呢?」真係點計好?

王喜提出咗一條數學題。
佢質疑的士司機找少咗七毫子。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...