掃呢頁CODE去手機

2017年8月27日 星期日

譚俊彥當街攬啜7次 朱晨麗:對唔住佢太太! __,譚俊彥,朱晨麗,

朱晨麗同譚俊彥啜爆街頭,直言愧對譚太!
譚俊彥當街攬啜7次朱晨麗:對唔住佢太太!狄龍兒子、現年37歲的譚俊彥(Shaun)前日榮升第二任爸爸,但事隔17小時就「背妻偷食」,公然激咀朱晨麗!原 ...


譚俊彥當街攬啜7次 朱晨麗:對唔住佢太太!

狄龍兒子、現年37歲的譚俊彥(Shaun)前日榮升第二任爸爸 ,但事隔17小時就「背妻偷食」,公然激咀朱晨麗!原來兩人只是拍攝無綫新劇一場親熱戲,朱朱坦言感到內疚,覺得對唔住阿嫂及初生BB;Shaun則不擔心太太呷醋,笑言做演員的她將來會「雙倍奉還」!

藝人譚俊彥前日傍晚時分再度添丁,其內地演員太太任祉妍誕下7磅9安士男丁,取名譚杺,Shaun本來已有一名兩歲多的女兒譚晴,湊成一個「好」字,再度榮升爺爺的狄龍趕往探望乖孫,三代同堂,樂也融融!

榮升第二任爸爸不足24小時的Shaun,昨日被發現與朱晨麗當街咀嘴,莫非咁快就背妻曳曳?其實他最近為賺奶粉錢忙爆,趕拍無綫新劇《特技人》之餘又要照顧太太,心情混亂,猶如「精神分裂」!昨日上午11時他就與朱朱拍攝咀戲,劇情講述兩人戀情剛萌芽,Shaun捉住朱朱手仔表白,兩人輕輕錫了一下後深情對望,再肉緊攬腰摸臉激咀,為拍攝不同角度的鏡頭,足足咀了七次!他們咀嘴後照舊有講有笑,又不停對稿,絲毫沒有尷尬。

太太誓雙倍奉還

朱朱受訪時直言在此時此刻與Shaun拍親熱戲,感到非常內疚:「覺得好對唔住佢太太同囝囝呀!所以我都真係喊出嚟!」Shaun則安慰她指大家都是專業演員,毋須介懷。Shaun在劇中艷福不淺,既有前妻沈卓盈,其後又與朱朱發展感情線,與兩人均有咀戲,問到可擔心太太打爛醋埕?他笑說:「佢話以後如果佢拍戲,會雙倍奉還畀我!」雖然飾演情侶,但朱朱笑言覺得Shaun似自己爸爸,絕不會傳緋聞:「佢當我女咁教,第一日開工放飯嗰陣,我拎起個電話碌咗幾吓,佢就話食飯唔好玩電話,咁我唔玩啦,佢又話食飯唔好寒背,佢真係一個好爸爸!」

譚俊彥先摸朱朱塊面,然後就捉實手仔奪吻!
  • 譚俊彥先摸朱朱塊面,然後就捉實手仔奪吻!
  • 放大圖片

送現金最實際

識做的朱朱問到Shaun需要甚麼初生嬰兒用品,打算放工後約朋友前往購買,Shaun即打趣說送現金最實際。談到太太前日突然作動,他指當時正在選購嬰兒用品:「佢都係入到醫院先Call我,話有少少痛咁,我話唔使咁大驚小怪,通常呢啲情況好快畀人掟番出醫院,點知入到醫院就話生得喇!」

講到朱朱早前趕拍劇集時中暑,Shaun透露事發現場正是隔籬街:「上次佢坐一坐,再企起身講句嘢,然後就暈喇!我抱佢上車,工作人員想打畀佢屋企人,但電話一直解唔到鎖!」朱朱即笑言當時中暑導致抽筋,故無法自行解鎖。此外,Shaun昨日拍完外景後,即急急會合父親狄龍及陶敏明,齊齊到醫院探望妻兒。

兩人咀足七次都未夠喉,仲要攬到實。
  • 兩人咀足七次都未夠喉,仲要攬到實。
譚俊彥同朱朱錫完毫無芥蒂,搭晒膊頭閒話家常。
  • 譚俊彥同朱朱錫完毫無芥蒂,搭晒膊頭閒話家常。
譚俊彥與太太再添丁,湊成「好」字。
  • 譚俊彥與太太再添丁,湊成「好」字。

文:影視組






鍾意就快D Share啦!