掃呢頁CODE去手機

2017年8月17日 星期四

酷熱企街扯煙 韓君婷溶妝 變詭娃 Annabelle [壹週刊 - 1432] __,韓君婷,M1,

溶妝配合埋處理咗一半嘅崩鼻,頓時同詭娃Annabelle有七分似。同你吟一吟酷熱企街扯煙 韓君婷溶妝 變詭娃Annabelle近排荷李活套《詭娃安娜貝 ...


溶妝配合埋處理咗一半嘅崩鼻,頓時同詭娃 Annabelle有七分似。

同你吟一吟

酷熱企街扯煙 韓君婷溶妝 變詭娃 Annabelle

近排荷李活套《詭娃安娜貝爾:造孽》喺香港上畫,去到邊都見到詭娃 Annabelle張大頭 poster,真係睇到個心寒一寒。話口未完,呢日下晝就見到真人版 Annabelle飄過(搭電梯),有冇咁邪呢?望真啲原來係轉行做咗藥廠 OL嘅韓君婷,搞邊科咁失手?

原來呢日 Belinda(韓之洋名)約咗亞視舊同事蔡國威食 lunch,兩個煙民例牌飯後企街打邊爐,三十幾度高溫,傾足廿分鐘,個人唔怕熱啫,唔代表個妝頂得住,加上年前撼崩鼻只係做咗一半手術,即刻出事,仲想拍拖搵另一半的韓君婷係時候搞搞佢

大熱天時同蔡國威企街扯煙傾足廿分鐘,唔願走。

行番入商場,韓君婷一度失重心向後跌,幸得好友蔡國威從後傍住。

體重高峰期,龍躉粗髀跟身,著紅色泳衣肥上加肥。

翌年,失戀、抑鬱打孖嚟,體重急降,瘦到顴骨凸出變紙板人。

年前回流香港,凹鼻跟身,自稱撼崩鼻。

撰文:八珍

攝影、攝錄:蕭敬漁、森美、李溢敏


鍾意就快D Share啦!