網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年8月17日 星期四

首次曝光 慳家坐機鐵 郭晶晶霍啟剛 B女似足朱玲玲 [壹週刊 - 1432] __,朱玲玲,霍啟剛,郭晶晶,M1,

暑假尾聲,霍氏一家四口出發去溫哥華度假。探熱針首次曝光 慳家坐機鐵 郭晶晶霍啟剛B女似足朱玲玲「跳水皇后」郭晶晶嫁俾霍啟剛後一索得男,眨吓眼囝囝霍中曦 ...


暑假尾聲,霍氏一家四口出發去溫哥華度假。

探熱針

首次曝光 慳家坐機鐵 郭晶晶霍啟剛 B女似足朱玲玲

「跳水皇后」郭晶晶嫁俾霍啟剛後一索得男,眨吓眼囝囝霍中曦( Lawrence)已經四歲大。

今年四月晶晶再為霍家添丁,誕下 B女霍中妍,湊成「好」字。

趁暑假就快完,霍氏一家出埠放電,先去溫哥華,緊接返晶晶北京娘家探親,足三個月大的 B女首次曝光,手長腳長,眼大大,嘴細細,皮膚白白淨。睇真啲,原來似晒「最美麗嫲嫲」朱玲玲咁靚!

B女人仔細細已經輪廓分明,仲同「最美麗嫲嫲」一樣有對腰果眼。

B女三個月大已經手長腳長,係大碼 BB。

Lawrence坐喺爸爸個手提行李上面食蘋果,好識歎。

B女出世翌日,霍啟剛即在微博報喜,仲上載 Lawrence錫妹妹的溫馨相。

阿爺親自改名

提起孫女,連平日 cool爆嘅霍震霆都笑晒口,仲話一有時間就心思思要去睇粒孫。

貴為霍家「掌上明珠」,爺爺霍震霆親自為孫女改名。據知 B女英文名叫 Luarissa,源自拉丁文,意思希望 B女大個有主見、有創造力同判斷力,將來做領導者,可見 B女得寵程度。連一向低調的霍啟剛一提起個女都冧晒,仲忍唔住狂讚個女:「似我媽媽(朱玲玲)咁靚。」

「霍家一向男多女少,晶晶今次生女,最開心係佢老爺同奶奶,屋企第一個女孫,恨咗好耐喇!霍老爺而家一得閒就要去探粒孫。」知情者透露。

隔代遺傳

圈中不少星三代五官生得精緻可愛,但完全唔似爸爸媽媽,反而隔代遺傳,似爺爺。

劉丹

14年,劉愷威與楊冪結婚,並誕下愛情結晶小糯米,女兒樣貌一直是外界頭號關注焦點, 15年,小糯米被拍到返 playgroup,面圓圓,扁鼻單眼皮,五官唔似父母,反而似足爺爺劉丹。

李嘉誠

09年,梁洛施為李家添丁,誕下大仔長治,翌年再生一對孖仔,長治同父親李澤楷生得成個餅印一樣,而一對六歲孖仔 H&N,兩兄弟無論高度、樣貌都好似倒模咁,似足爺爺李嘉誠,難怪爺爺勒令,一年要見孫仔兩次。

洪金寶

洪天明與周家蔚先後誕下兩子,大仔洪大仁,出世時,臉形及嘴唇已經被指激似爺爺洪金寶,難怪洪金寶寵孫有求必應,錫到燶。

巨 B曝光

平時出埠唔慣帶工人,不過今次湊住霍家「掌上明珠」,早前晶晶同霍啟剛一家四口出發去溫哥華,同行仲有工人姐姐同保母。 B女第一次坐飛機,兩公婆特別緊張,唔計寄艙行李,一人孭住一個大背囊,加一個手提行李,工人姐姐同保母又各拎一個奶粉袋,好大陣仗。

為避耳目,航班起飛前十分鐘,等其他乘客都上晒機,晶晶同霍啟剛校啱時間先到達閘囗,六名機組人員上前迎接,一馬當先的霍啟剛拉住設有 baby seat嘅手提行李,阿仔 Lawrence坐喺上面一邊咬住蘋果,兩腳 fing fing,好識歎!至於晶晶就負責推住 B女,出世時已經有八磅重的 Laurissa果然好足秤,手長腳長,好好肉地,絕對係重量級 BB。

遺傳媽咪運動 DNA, Laurissa好活潑,眼仔碌碌、手腳不停郁,不過,最得意係 B女唔似爸爸,又唔似媽媽,竟然似晒「最美麗嫲嫲」朱玲玲,五官標致。準備上機,晶晶抱起 B女交俾保母,自己落手落腳收起 BB車,一切準備就緒,晶晶即刻從保母手中抱番 B女先上機,果然親力親為。

去完溫哥華,再轉飛北京,回程時,舟車勞頓的 Lawrence不停打喊露,仲扭計要爸爸抱。

產後首次出席活動,晶晶明顯未收身,仲面圓圓。

已經追到個女,不過晶晶仲未打算封肚,要同奶奶一樣生夠三個。

貼地坐機鐵

溫哥華回港後,晶晶同霍啟剛緊接再飛北京,探望晶晶外家。由於行程緊湊,只逗留三日兩夜,為避免 B女太頻撲,今次只帶大仔 Lawrence出發,撇低 B女輕鬆得多,冇工人冇保母。

回程當日,霍啟剛孭住大背囊,晶晶就手拎一個 Longchamp大袋加一個 hand carry,好輕便,不過連日舟車勞頓,霍小公子全程雙腳唔肯着地,扭計要爸爸抱,唔使等行李,一家三口火速出閘,之後急急腳行去機鐵站。平時有司機接送,去到機鐵站,兩公婆似乎唔多識路,不停左望右望,最後成功搵位坐低。兩大一細搭機鐵,二百五十蚊搞掂!話晒係霍家頭號繼承人,霍啟剛真係夠晒貼地!

一家三口連司機都唔使,揀搭機鐵過海,夠晒貼地。

上到車,一家三口即刻搵位坐低。

平時甚少搭公共交通, Lawrence在車上好奇四圍望。

七月頭,霍啟剛被網民發現到澳門 Ritz Carlton泳池游水。

繼續生

產後三個月,有運動底子的晶晶已經回復元氣,連環出 trip依然面不改容,而且行動敏捷,不過就未收身,見她依然面圓圓,手腳有肉。據知晶晶一心要以奶奶朱玲玲做目標,就算成功追女亦未有打算封肚,至少生夠三個先收工。

「以晶晶嘅身體狀況底子咁好,稍為調理吓就得,所以佢都唔急,等阿女大少少先,佢而家先三十五歲,佢有信心四十歲前一定達標,生夠三個收工。」知情者透露。

野生捕獲

搭地鐵撞見明星其實唔難,不少藝人好似周潤發、郭富城、張智霖及袁詠儀等都試過搭地鐵,貪方便又快捷。

楊千嬅

15年,千嬅單拖搭地鐵,冇戴口罩即俾人野生捕獲,港鐵車廂逼滿人,千嬅事後解釋當日趕住去出席活動,途中遇上塞車,結果中途落車改坐港鐵到目的地。

郭富城

向來多名車的郭富城, 14年因中環封路,為準時到目的地,郭富城決定搭地鐵,為免引起哄動,十年冇搭過,天王郭富城做足準備, cap帽口罩包到冚。

周潤發

「發哥」周潤發一向非常親民,經常以公共交通工具代步,出入都會搭巴士地鐵,熱情市民要求自拍更全部來者不拒。

撰文、攝影、攝錄:娛樂組


鍾意就快D Share啦!


Related Posts Plugin for WordPress, Blogger...