掃呢頁CODE去手機

2017年8月18日 星期五

【獨家●首度曝光】郭晶晶霍啟剛B女似足朱玲玲咁靚 __,朱玲玲,霍啟剛,郭晶晶,

「跳水皇后」郭晶晶嫁俾霍啟剛後一索得男,眨吓眼囝囝霍中曦(Lawrence)已經四歲大。今年四月晶晶再為霍家添丁,誕下B女霍中妍,湊成「好」字。趁暑假 ...


「跳水皇后」郭晶晶嫁俾霍啟剛後一索得男,眨吓眼囝囝霍中曦(Lawrence)已經四歲大。今年四月晶晶再為霍家添丁,誕下B女霍中妍,湊成「好」字。趁暑假就快完,霍氏一家出埠放電,先去溫哥華,緊接返晶晶北京娘家探親,足三個月大的B女首次曝光,手長腳長,眼大大,嘴細細,皮膚白白淨。睇真啲,原來似晒「最美麗嫲嫲」朱玲玲咁靚!

貴為霍家「掌上明珠」,爺爺霍震霆親自為孫女改名。據知B女英文名叫Luarissa,源自拉丁文,意思希望B女大個有主見、有創造力同判斷力,將來做領導者,可見B女得寵程度。連一向低調的霍啟剛一提起個女都冧晒,仲忍唔住狂讚個女:「似我媽媽(朱玲玲)咁靚。」

平時出埠唔慣帶工人,不過今次湊住霍家「掌上明珠」,早前晶晶同霍啟剛一家四口出發去溫哥華,同行仲有工人姐姐同保母。B女第一次坐飛機,兩公婆特別緊張,唔計寄艙行李,一人孭住一個大背囊,加一個手提行李,工人姐姐同保母又各拎一個奶粉袋,好大陣仗。

為避耳目,航班起飛前十分鐘,等其他乘客都上晒機,晶晶同霍啟剛校啱時間先到達閘囗,六名機組人員上前迎接,一馬當先的霍啟剛拉住設有baby seat嘅手提行李,阿仔Lawrence坐喺上面一邊咬住蘋果,兩腳fing fing,好識歎!至於晶晶就負責推住B女,出世時已經有八磅重的Laurissa果然好足秤,手長腳長,好好肉地,絕對係重量級BB。

遺傳媽咪運動DNA,Laurissa好活潑,眼仔碌碌、手腳不停郁,不過,最得意係B女唔似爸爸,又唔似媽媽,竟然似晒「最美麗嫲嫲」朱玲玲,五官標致。準備上機,晶晶抱起B女交俾保母,自己落手落腳收起BB車,一切準備就緒,晶晶即刻從保母手中抱番B女先上機,果然親力親為。

相關連結︰

【最貼地公子】 撇B女返北京探外家 霍啟剛郭晶晶慳家坐機鐵

http://bit.ly/2uTLOwM

【隔代遺傳】「小糯米」粗眉大眼似足劉丹 Isabella 孖仔同李嘉誠餅印

http://bit.ly/2vLPXUP


來源 source: http://s.nextmedia.com
鍾意就快D Share啦!