熱爆娛樂: 【獨家】翠如BB「眼中有正楠」孖男友蜜遊倫敦勁親蜜 _

2017年8月17日星期四

【獨家】翠如BB「眼中有正楠」孖男友蜜遊倫敦勁親蜜 __,翠如,蕭正楠,正楠,黃翠如,

蕭正楠同女神黃翠如拍拖3年，不時忍唔住喺社交網打情駡俏，甜蜜如軟糖，現年35歲嘅翠如BB的確係時候出嫁，早前有傳兩人計劃8月到外地秘婚，明年才補擺喜酒公告天下，佢哋仲向大台攞埋長假，環遊世界度蜜月o添！當時翠如BB回覆傳媒否認喜訊，仲話自己同男友都係好隨意嘅人，太多計劃唔適合佢哋。然而，翠如BB同男友真係喺8月出遊喎，偏偏被讀者羅小姐喺英國撞到正，羅小姐透過「爆相爆片」分享兩人甜蜜遊倫敦，佢接受電話訪問表示：「日前大約香港時間6點，喺倫敦outlet見到佢哋，呢個outlet好多遊客，佢哋搭住膊頭行Prada。」從羅小姐提供相片所見，蕭正楠同翠如BB都戴cap帽同黑超遮樣，不過搭扶手電梯時蕭正楠就親熱搭實女友膊頭，表現得好大方冇閃縮，由於羅小姐唔敢行前影相，相片只見到兩人少少側面，但從翠如BB擺喺社交網嘅相片裏面，就搵到一張係戴住同一幅超嘅相，呢幅超已「出賣」翠如BB嘅身份。蕭正楠喺7月拍完大台劇《深宮計》外景，已急飛日本陪女友旅行，早前兩人又以情侶檔接job，似乎打風都打唔甩，難怪傳出8月到外地秘婚消息。呢兩日蕭正楠喺社交網不停「蒲頭」，力谷新劇《超時空男臣》宣傳，但就絕口不提自己身在英國，似乎有啲景轟，而翠如BB就有貼風景相洩蜜。問到兩人係咪到英國秘婚？蕭正楠回覆傳媒：「多謝關心！放假去下旅行，沒其他回應！支持男臣呀？支持支持下！」翠如BB則表示：「只是普通旅遊，謝謝關心！」

（讀者羅小姐提供圖片）	蕭正楠同黃翠如早前傳8月到外地秘婚，原來佢哋8月真係去咗英國。（讀者羅小姐提供圖片）	不過翠如BB就話只係普通旅行。（讀者羅小姐提供圖片）
（讀者羅小姐提供圖片）	翠如BB仲有喺IG post相，而眼鏡中嘅倒影見到疑似係蕭正楠。	其實翠如BB同蕭正楠都不時一齊外遊。（資料圖片）
（資料圖片）	仲會一齊拍拖睇演唱會。（資料圖片）