2017年8月9日 星期三

【獨家有圖】女神封盤!千雪BB蜜遊新加坡 醫生男友勁細心 __,千雪,女神,朱千雪,

12年「民選冠軍」朱千雪,因為觀眾緣屬極佳嘅關係,所以入行已經有好多演出機會,喺16年仲擔正做《EU超時任務》嘅女主角,不過同年佢決定減少幕前演出,修 ...


12年「民選冠軍」朱千雪,因為觀眾緣屬極佳嘅關係,所以入行已經有好多演出機會,喺16年仲擔正做《EU超時任務》嘅女主角,不過同年佢決定減少幕前演出,修讀中文大學企業傳播社會科學系碩士學位,跟住再修讀香港城大學法律博士學位。高學歷、高收入、高顏值嘅朱千雪,一直以嚟除咗工作同讀書之外,緋聞可以話少之又少,不過喺今年3月,有《蘋果》讀者報料,話千雪BB喺追求者裡面,同一個叫Justin Ng嘅行得最埋,雖然Justin喺澳洲讀醫科,但係佢哋都一直保持聯絡,甚至喺千雪BB嘅fb,仲add埋Justin爸爸同細佬,睇嚟關係都真係好密切喎!(新聞連結:http://bit.ly/2vzzhCo)消息傳出後,千雪BB話大家係了解中,不過前日有讀者蘇小姐透過「爆相爆片」,捕獲千雪BB同Justin喺新加坡ION Orchard行街,蘇小姐話:「嗰陣大約係夜晚8點幾,佢哋喺商場門口等車,開頭千雪BB個樣有啲凍,嗰個男仔幫佢披返件衫,之後再搭住千雪BB嘅膊頭,千雪BB成個背脊亦都挨住個男仔,不過佢哋一聽到有人講廣東話,就即刻分開!」千雪BB話過o依家放暑假,下月開學,唔知係咪呢個原因,所以佢趁住呢個假期一邊做嘢,一邊好好休息,有傳媒亦向千雪BB求證,不過佢只係話:「我正在放假,謝謝!」

。(讀者提供圖片) 朱千雪被爆與醫生男友遊新加坡。(讀者提供圖片)
朱千雪好少講感情事。 朱千雪嘅醫生男友(綠衣者) (資料圖片) Justin係醫生嚟o架!(資料圖片)
朱千雪喺《踩過界》將會登場!(資料圖片) 朱千雪同王浩信都唔可以續前緣。(資料圖片) 朱千雪讀完碩士再讀博士學位!

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...