2017年8月1日 星期二

【家道中落捱騾仔】洪永城半山搬到地面住 黎姿谷底反彈成闊太 __,黎姿,洪永城,

好多藝人表面風光,但其實背後分分鐘孭起頭家,捱住上,如果遇上係家道中落,喺圈中捱騾仔,就更加係有苦自己知。好似近年愛情方面唔多得意嘅洪永城,亦係家道中 ...


好多藝人表面風光,但其實背後分分鐘孭起頭家,捱住上,如果遇上係家道中落,喺圈中捱騾仔,就更加係有苦自己知。好似近年愛情方面唔多得意嘅洪永城,亦係家道中落嘅受害人之一,話說洪母係台灣人,早年營商,家境殷實,家中排行第二嘅洪永城10歲起就被送去新西蘭留學,可惜經濟差,生意失敗,家道中落,佢屋企更越搬越落,由住半山搬到尖沙嘴同天后等地方,物業賣得嘅都賣。後來洪永城喺回港工作,由有線轉Now再轉去無綫,先叫做撈番起身價。仲有同樣喺大台努力緊嘅李施嬅,佢爸爸李光輝原本係做專門生產計數機嘅生意,家住寶松苑,同天后王菲做鄰居,絕對稱得上係有錢人家。可惜後來李光輝生意失敗,儘管李施嬅當時已經參選港姐,其父母亦已離異,但李施嬅嘅生活仍受影響,由玩票性質變成要搵錢養家。另一個圈中由富變窮嘅,仲有連詩雅,佢家底原本唔錯,有個做生意人嘅爸爸,仲有個喺加拿大領事館做繙譯員嘅媽媽,自細住九龍塘豪宅,讀名牌國際學校,點知父母離婚,爸爸更因生意失敗北上發展,連詩雅同阿媽被迫搬去劏房住。連詩雅初入行因為冇收入,又唔做得模特兒,搞到要每個星期6 x 10咁做baby gym導師,後來憑住《喜愛夜蒲》系列逐漸捱出頭。最勵志嘅例子,應該係生於電影世家嘅黎姿(現名馬黎珈而),佢係香港電影之父黎民偉嘅孫女,家中有唔少電影明星,原本家境不俗,可惜自黎姿嫲嫲過身後,其因患腦膜炎失聰嘅父親因不擅爭家產,導致家境變差,黎姿一家四口更由豪宅搬到東頭邨居住。黎姿年紀小小就已經出去做嘢兼職幫補家計,更因一次到父親工作地方探班,被許冠傑睇中,介紹佢去試鏡入行,亦因此踏上星途。黎姿入行以來,做齊歌影視三樓藝人,代表作更有《金枝慾孽》及《珠光寶氣》等。到2008年宣布全面退出娛樂圈,同年嫁畀商人馬廷強,婚後專心相夫教女,並抽時間幫其胞弟打理醫學美容公司生意,今年年初更成功喺創業板掛牌。

(資料圖片) 洪永城回流返香港,入有線做主持。(資料圖片) 仲憑住主持旅遊節目響朵
仲有獎攞 李施嬅原本係富家女出身,但結果要孭起養家責任。(資料圖片) 連詩雅年紀細細已經要同媽咪相依為命(資料圖片)
黎姿亦係細細個出嚟做嘢幫補家計(《城周》圖片) 黎姿嫁畀馬廷強後,專心相夫,照顧家庭。 今年年初更進軍上巿(資料圖片)
平日黎姿更要兼顧囡囡嘅生活

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...