希望岳華身體冇咩事喇。
資深藝人岳華好耐無喺螢光幕同大家見面，大家仲好掛住佢喺2015年無綫劇《張保仔》入面「禮公公」一角。原來佢現時身在加拿大，仲以演出顧問同影視人協會創會會長身份，出席咗舞台劇《一麵情緣》嘅記者會，而喺「一劇場」社交網仲上載咗岳華同資深藝人、温哥華影視人協會現任會長周秀蘭嘅相片，連歌手雷安娜亦到場支持。
岳華當日着咗件風褸同牛仔褲襯對黑皮鞋，戴住米白色cap帽同眼鏡，但佢身形就明顯比過往瘦咗好多，皮膚膚色都比以前黑咗好多。雖然佢出入都手持枴杖輔助，但見佢影相時都幾精神。
馬海倫曾公開尋岳華
其實好多人都好掛住岳華，早前藝人馬海倫都喺網上公開「尋岳華」，佢喺微博發文表示「冇見各位華哥粉絲（岳華），最近我都冇華哥消息，只是聽到朋友說，但我又不放便講，希望他早啲同我聯絡，祝他身體健康。」當時都好令人擔心發生咩事。
上海出身演出近50年
岳華出身於上海，1962年到香港投考邵氏旗下的南國訓練班。1965年開始從演藝生涯，多數演出武俠和古裝電影，代表作有1966年部《大醉俠》。到咗1980年，岳華首次參演出劇集《浮生六劫》，其後拍過唔少作品如《大地恩情》等。直到1987年他轉投無綫電視，拍過不少膾炙人口的作品，如《義不容情》等。近年亦有《巾幗梟雄》、《名門暗戰》、《守業者》等。岳華有一段婚姻，1975年與演員恬妮結婚，生活美滿。
來源 source: http://hk.on.cc
|
鍾意就快D Share啦！
|
|
|
