2017年8月8日 星期二

【北京直擊】劉德華墮馬後首公開露面:對不起過去半年要大家操心 __,劉德華,

【新增內容】電影《俠盜聯盟》今日喺北京康萊德酒店做宣傳,有份演嘅舒淇、楊祐寧、張靜初、尚連奴同馮德倫等現身,今年初墮馬嘅劉德華就壓軸出場,今次係華仔受 ...


【新增內容】

電影《俠盜聯盟》今日喺北京康萊德酒店做宣傳,有份演嘅舒淇、楊祐寧、張靜初、尚連奴同馮德倫等現身,今年初墮馬嘅劉德華就壓軸出場,今次係華仔受傷後首次出席公開活動。發佈會現場有近三百記者,眾演員先介紹自己嘅角色,然後司儀話仲有一位演員,即播出華仔金曲《忘情水》,場內傳出歡呼聲,然後螢幕播出市民嘅街訪,問佢哋喜歡華仔嗎?華仔在歡呼聲下步出,着住深藍色西裝、暗紅色呔、白色裇衫嘅華仔,唔使用枴杖,亦唔使人扶住,邊笑邊拍手上台,華仔喺台上同大家講:「我很好,對不起!過去半年要大家操心,現在我又返回到半年前,仍然可以跟大家說說笑笑,跑跑跳跳。」佢主動帶台上嘅舒淇同馮德倫就坐,然後自己先坐低。華仔喺戲中演神偷,喺玩遊戲前,華仔行到台邊,介紹戲中要偷嘅道具「蓋亞」,再返回座位玩,現場分兩隊,華仔、舒淇同楊祐寧三個人一組,而張靜初及尚連奴就一組,玩問答遊戲。今年1月華仔喺泰國拍廣告墮馬造成盆骨多處骨折同筋腱肌肉拉傷,由專機送返港就醫,最初預計要停工休養一年,華仔意志力強,7個月已經康復,噚日華仔已身在北京,接受大陸傳媒訪問時,精神奕奕,無須用拐杖(新聞連結:http://bit.ly/2vgruqp)。


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...