2017年8月1日 星期二

麥明詩喪谷事業線 林曉峰笑夠老練 __,麥明詩,林曉峰,

真係夠老練!藝人麥明詩(Louisa)、鄭伊健、林曉峰(阿Lo)齊齊到金鐘出席電影活動,Louisa穿低胸裙力谷三吋事業線搶鏡,收到不少「心心眼」!而 ...


真係夠老練!

藝人麥明詩(Louisa)、鄭伊健、林曉峰(阿Lo)齊齊到金鐘出席電影活動,Louisa穿低胸裙力谷三吋事業線搶鏡,收到不少「心心眼」!而朱千雪、岑杏賢、吳業坤、蔣家旻、馮盈盈、「小巨肺」譚芷昀(Celine)與妹妹Dion,以及麥明詩一家人等等亦有現身撐場。

畀伊健阿Lo狂窒

Louisa與伊健及阿Lo受訪時搞笑互窒,見女拍檔化身「咪神」,伊健即幫手拎咪說:「一陣又話我哋唔gentleman!」講到今次配音工作,伊健指Louisa最辛苦,因為要應付他及阿Lo,伊健又自爆有幽閉恐懼症,因而之前都不接配音工:「今次係我第一次做配音男主角,之前都冇試過由頭擔到尾。(配到聲沙?)又冇,配音組好錫我哋,難嘅留喺後面。」Louisa直言配音工作有難度,因自己的聲線比較平穩,被阿Lo取笑聲音「老練」,而阿Lo則頻頻尖叫:「我就叫得最多,因為次次都衝第一個同最後先走嘅,後面又要我補錄番『呀』同『阿』,我都唔知有乜分別,但聽番原來係有嘅!」

Louisa笑言面對二人,似當年選港姐時面對評審,幾乎應接不下:「又笑我老練!得佢哋寸我冇我寸佢哋架!喺前輩面前真係唔敢亂講嘢!但又真係學到好多嘢嘅!」兩子聞言即裝作驚訝,阿Lo更反擊說:「你應該係80年代嘅港姐?」Louisa笑言:「出世呀?咁我都保養得幾好!」

撐林作扮裸男

講到前緋聞男友林作半裸扮「金鐘裸男」拍片放到網上,被網友轟影響牛津的名校聲譽,Louisa表示:「我都有留意嘅,咁牛津都出過好多喜劇演員、棟篤笑等等,如果適合佢都會支持。(覺得佢唔着衫好低俗?)演員都要放低自己,身體只係一個器皿。」身旁的伊健即搞笑為Louisa打圓場:「我係佢今晚嘅公關,訪問就到呢度啦,多謝大家!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...