掃呢頁CODE去手機

2017年8月10日 星期四

【搶先爆】陳茵媺一拖三返港 陳豪接機肉緊錫錫 __,茵媺,陳豪,陳茵媺,

陳茵媺喺上個月一拖三個寶貝返咗加拿大放暑假,爹哋陳豪就喺香港拍劇,陳豪出席活動嗰陣都話好掛住佢哋!不過歡樂嘅時光過得特別快,陳茵媺噚晚帶住三個寶貝,坐 ...


陳茵媺喺上個月一拖三個寶貝返咗加拿大放暑假,爹哋陳豪就喺香港拍劇,陳豪出席活動嗰陣都話好掛住佢哋!不過歡樂嘅時光過得特別快,陳茵媺噚晚帶住三個寶貝,坐飛機返嚟香港,爹哋陳豪日頭拍完劇之後,第一時間趕入機場接佢哋返屋企!大約喺夜晚8點零左右,陳豪現身機場,本來佢一個人坐喺啲長凳等,當佢知道班機抵港之後,就行咗去近住欄杆嘅柱位度等,其間見佢不停撳電話,睇嚟係同陳茵媺約定喺邊度等!Aimee差唔多9點半左右出嚟,自己抱住一個,推住兩個仔,陳豪見到老婆即刻衝上前,先錫老婆一下,再錫個女同仔。問Aimee一個人湊3個小朋友搭飛機攰唔攰?佢話:「都OK攰,兩個仔都攰,佢哋都眼瞓。」問Aimee返香港係咪復出?佢話:「已經接咗部電影,聽日開工。」喺加拿大好開心?「好開心,唔捨得走,空氣又好,對小朋友都好啲,多啲活動空間。」之前陳茵媺喺微博都留言話要熟讀劇本,為復出做準備,聽講佢今次係接拍咗一部電影。嚟緊Aimee要開戲,相對地少咗時間湊小朋友。問到Aimee一年有冇目標拍到幾多戲先收貨?Aimee話:「唔會好多,因為小朋友,要照顧家庭。」之後陳豪笑到四萬咁口推住BB車,兩個仔就喺車上恰晒眼瞓,而Aimee就將囡囡孭喺胸前,囡囡就束咗條辮仔,兩隻肥美腳瓜就揈揈下,挨喺媽咪心口啜手指,一家人行咗去停車場上車離開。

採訪、攝影:梁繼光、羅德光 人海中有一個好man嘅辮子男,咪就係陳豪囉!佢八點幾已到喇。 9點半左右,一拖三嘅陳茵媺終於返港,陳豪馬上幫手推BB車,減輕太太負擔。
囝囝已經眼瞓到不行… 真係好攰

來源 source: http://s.nextmedia.com
鍾意就快D Share啦!