掃呢頁CODE去手機

2017年8月21日 星期一

撞車爆罵戰!孫耀威報警求助:佢撞埋嚟 __,孫耀威,

最緊要個人冇事!新婚冇耐嘅歌手孫耀威(Eric)今日發生不愉快事,佢喺社交網透露喺尖沙咀發生交通意外。相中見佢冇咩大礙,不過其黑色座駕嘅車身卻被撞凹咗 ...


最緊要個人冇事!

新婚冇耐嘅歌手孫耀威(Eric)今日發生不愉快事,佢喺社交網透露喺尖沙咀發生交通意外。相中見佢冇咩大礙,不過其黑色座駕嘅車身卻被撞凹咗。

「有車主動撞埋嚟」

之後,孫耀威接受東網訪問時透露:「冇乜嘢嘅,我喺個彎度轉,嗰時塞車,大家喺度攝吓位、攝吓位咁。我架車停咗喺度嘅,有個人強行都要攝埋嚟,最後佢架車車身撞咗埋我架車度囉!我架車就冇郁嘅,佢撞我嗰陣就郁緊咁。好彩架車有晒Camera,有個Cam錄低晒囉,咁所以就等警察嚟。報完警後就好快有警察嚟,落完口供後就即刻趕去機場,依家嚟緊北京囉!」

寸撞車司機聲大夾惡

另外,孫耀威仲表示:「有好多人喺度影相同埋直播,好搞笑!本來嗰個人(撞車嘅另一司機)都幾惡嘅,佢撞我架車之後我架車停咗,佢都仲好惡咁話係我攝咗佢個位,都幾惡吓!後尾見到啲人喺度拍片佢就淆底搵個口罩嚟戴住,跟住我就寸番佢『你咁大聲鬧人又喺度驚?又要驚又要戴口罩咁不如唔好鬧啦』,咁後尾好快就有警察嚟咗喇!」


來源 source: http://hk.on.cc
鍾意就快D Share啦!