網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年8月31日 星期四

怕咗生女!克勤「食自己」同老婆斷交 __,克勤,李克勤,

唔生咪唔生…都唔使紮嘅!歌手李克勤將於9月3至11日假紅館舉行一連九場《李克勤慶祝成立30周年演唱會》,日前他接受東網專訪,大談於本周日開鑼的個唱及入 ...


唔生咪唔生…都唔使紮嘅!


歌手李克勤將於9月3至11日假紅館舉行一連九場《李克勤慶祝成立30周年演唱會》,日前他接受東網專訪,大談於本周日開鑼的個唱及入行逾30年的經歷。

自認「討厭老竇」

談及娶得前港姐冠軍盧淑儀為妻,又生了9歲的李立仁及7歲李力司兩個兒子,如再生一女兒就人生大圓滿!可是鍾意小朋友的克勤反應奇大頻頻喊怕,多番指不會受外界壓力而動搖再生BB,尤其聽到生女就驚驚,為免有意外發生,他笑言:「我聽日去(結)紮咗去,我『食自己』都唔恨女,我係麻煩老竇嚟㗎。」他一口氣數生女之弊:「個女件衫低胸啲,條裙短啲、搽指甲油我都會鬧,我會搵私家偵探跟住佢,我係討厭老竇。(你生女一定似阿媽咁靚?)唔想益人囉,如果覺得個女仔靚,咪叫個仔溝咗佢囉。」

問到是否對兩位愛兒管教更嚴,他說:「仔唔怕蝕,放佢隨時出去播種,安全啲就得㗎啦。」太太是否一樣不恨生女?克勤指老婆也不想再生,因為生及養都辛苦,他慘叫:「又重新嚟過,唔好玩啦。」況且去年加盟英皇後,收了加盟費就要工作,尤其近期忙搞演唱會,簡直忙到天昏地暗:「啱啱努力做嘢,唔得閒努力做嗰啲。」

為仔仔推Job

克勤出名愛親力親為湊仔,他揚言絕不後悔為愛兒曾放慢事業步伐,他說:「有啲人問我十年前做乜退後咗幾步,我唔係話自己做老竇有幾偉大,只係我大仔出世,我想多啲時間陪佢,所以我推咗好多內地嘅工作,好似第一季《我是歌手》搵我,我連酬勞未問都推咗,放棄咗好多機會。」但他不覺得可惜,因他當年計劃要將家庭放在第一位,況且他享受仔仔相處時間,如帶仔仔去銅鑼灣食food court或買玩具:「要買比卡超卡畀佢哋,呢啲唔使做呀?」又呷醋仔仔比他更受歡迎,指有次到外地旅遊,仔仔被fans追住狂影,問他可會否開心沒有人追住影?他無奈說:「碧咸個女都好多人追住影,我咁諗個心會好過啲。」


來源 source: http://hk.on.cc
鍾意就快D Share啦!