掃呢頁CODE去手機

2017年8月31日 星期四

苑瓊丹離無綫 鬧小人暗算 __,無綫,苑瓊丹,

御用龜婆演變態母親過足戲癮苑瓊丹鬧小人暗算 離無綫娛樂要聞【《蘋果》專訪】苑瓊丹入行34年經常演醜女惡女,甚至被喻為「星爺御用龜婆」,但做龜婆做到成為 ...




御用龜婆演變態母親過足戲癮

苑瓊丹鬧小人暗算 離無綫

娛樂要聞








【《蘋果》專訪】

苑瓊丹入行34年經常演醜女惡女,甚至被喻為「星爺御用龜婆」,但做龜婆做到成為icon,苑仔坦言無憾:「我係專業戶,觀眾認可,其實開心喎!」09年苑仔開始向無綫請假到內地發展,至13年正式約滿離開,主要原因是被暗箭所傷,苑仔說:「有人爭嘢做,喺背後做啲手腳中傷你。我冇興趣爭,我返內地拍,你哋爭飽佢啦。」



苑瓊丹日前接受本報訪問揚言在無綫期間,有人為爭工作而中傷她,令她決定避是非離開。攝影:葉君海

只要在搜尋網打上「龜婆」,都會顯示「苑瓊丹」三個字。54歲的苑瓊丹,因為先後在周星馳電影《武狀元蘇乞兒》、《九品芝麻官》和《大內密探零零發》演龜婆而被網民封為「星爺御用龜婆」,在「業界」地位舉足輕重。日前,本報記者找來苑仔跟「真.龜婆」較量,面對住10歲、重50磅的巨型盾臂龜「大少姐」,苑仔面無懼色,更憑住幾棵紅蘿蔔就令大少姐貼貼服服。



自己化醜妝

究竟做龜婆會否會做到厭?苑仔笑說:「我係專業戶,唔會厭㗎。你能夠有樣嘢、有標誌性係好難,我唔敢話自己做得好與唔好,但觀眾認可,其實開心喎!」其實苑仔演醜女一樣出色,就如《唐伯虎點秋香》飾演的石榴姐,單是造型已是一絕。初演醜女會否過不了心理關口?苑仔以肯定語氣說:「唔會,因為個妝係我自己化,就算龜婆冇眉嘅妝(《九品芝麻官》),都係我同化妝講,叫佢幫我將條眉『抆』咗去變冇眉。基本上造型都係我自己搞出嚟,所以唔關佢哋事。我覺得做每樣嘢,一係唔好做,一係做好佢。如果做完之後冇人知你做,你除咗賺咗錢之外,冇嘢賺到。」

演龜婆做醜女,苑仔覺得比較容易掌握,反而舒舒服服的秘書角色,苑仔最抗拒。近日苑仔再向難度挑戰,為內地拍網劇演變態母親,親手將女兒斬死分屍,苑仔形容過足戲癮:「拍得我好開心、好過癮,直情好似出咗一身汗,嗰種舒服好難以言語形容。」



《九品芝麻官》中,苑仔演龜婆講急口令講到出神入化。劇照



當年憑無綫劇《真情》帶挈,苑仔賺到第一桶金買樓置業。

其實苑仔在電視方面也有不少代表作,其中她在無綫01年劇集《封神榜》飾演的殷十娘,就被網民形容巔峯之作。不過,苑仔09年開始向無綫請假返內地拍劇,直至13年3月正式約滿無綫離開。原來,當年離開無綫,是因為被人放暗箭,她說:「當有競爭嘅時候,大家就好鍾意爭,我係一個好憎爭嘢嘅人。發覺有人爭嘢做,喺背後做啲手腳,中傷你又好、玩你又好,我開始好討厭。」

唔忿氣退休

對於誰人放暗箭?苑仔極口密:「時間人物我唔講,我從來都係會講件事但唔開名。我做得好唔開心,曾經諗過退休,但我又唔忿氣,冇理由你班友仔做啲小動作,為咗適應唔到呢個方式我就離開!我一路想返內地發展,所以有機會我咪去囉。你哋鍾意爭就你哋爭,我冇興趣爭,我返內地拍,你哋爭飽佢啦。」

採訪:戴彩煥

攝影:葉君海



苑仔在星爺電影中演龜婆演到出神入化,就算跟50磅重的「真˙龜婆」較量也面無懼色。




鍾意就快D Share啦!