掃呢頁CODE去手機

2017年8月20日 星期日

【出事㗎嘛】張秀文超熱褲水戰宣傳 倒插落水失守露毛兼走光 __,張秀文,

今日大台為咗幫台慶劇《同盟》做宣傳,拉咗一班劇中演員去到一間酒店嘅泳池玩水戰,一眾女藝人好似胡定欣、姚子羚、張秀文、趙希洛、李璧琦、阮兒等全部換晒泳衣 ...


今日大台為咗幫台慶劇《同盟》做宣傳,拉咗一班劇中演員去到一間酒店嘅泳池玩水戰,一眾女藝人好似胡定欣、姚子羚、張秀文、趙希洛、李璧琦、阮兒等全部換晒泳衣再著上白色T恤,身材若隱若現咁去同一眾男藝人大玩水上遊戲,場面認真養眼。為咗切合劇中元素,加上天氣又熱,所以全部藝人都手持水槍一邊互射,一邊喺浮水板上玩遊戲,又扯又攬又埋身肉搏咁。本來都玩得幾開心,不過去到趙希洛配李璧琦大戰張秀文配阮兒時就出事喇!一開始張秀文同李璧琦玩扯大纜時已經夠晒落力,最終贏咗時仲鬼咁開心,不過去到四女同場決戰,唔知係唔係玩得太盡興,張秀文落水時頭下腳上咁向後翻跌落去,中途仲唔小心走光兼露毛。而胡定欣同姚子羚一齊出戰玩組合,先後對抗陳展鵬同陳山聰,一開始兩女就已經採取主動又扯衫又扯褲想將陳山聰拉落水,不過山聰都唔弱,喺即將落水前一刻環抱胡定欣,正宗「攬埋一齊死」。胡定欣同姚子羚之後對抗陳展鵬就輕鬆得多喇,兩女落水後,夾手夾腳推起浮水板將陳展鵬「倒落水」。張秀文玩到露毛,佢以短訊回覆傳媒:「我事前一路驚上面走光,冇諗過玩得咁激動,會成個人反轉掉落水。(有冇打底?)裡面有泳褲仔,不過我諗動作太大,今次係好大嘅教訓,真係要小心。」

今日大台為咗幫台慶劇《同盟》做宣傳,拉咗一班劇中演員去到一間酒店嘅泳池玩水戰。 李璧琦、趙希洛、阮兒、張秀文。
胡定欣同姚子羚一齊出戰玩組合。 張秀文同李璧琦玩扯大纜,夠晒落力。 張秀文嘅身材一向引人注目。
胡定欣同姚子羚又扯衫又扯褲想將陳山聰拉落水。
不過山聰都唔弱,喺即將落水前一刻環抱胡定欣。 胡定欣同姚子羚之後對抗陳展鵬就輕鬆得多喇。 兩女落水後夾手夾腳推起浮水板將陳展鵬倒落水。

來源 source: http://s.nextmedia.com
鍾意就快D Share啦!