張文慈96年參加亞姐，晉身決賽但三甲不入，仍然獲得亞視垂青，之後唔只演過電視劇，仲有性感演出，參演過幾套三級片。佢上年簽咗無綫之後，喺陳芷菁主持嘅節目《今日VIP》中受訪，話入行初時抗拒性感，演壞女人會俾人覺得佢本性真係咁差，初時未適應好大壓力。呢位性感女星原來有過一段慘痛經歷，張文慈喺07年接受周刊訪問，講述一段被曾經最信任、尊重嘅男仔迷姦。佢憶述當年17歲，有兩名同齡女仔好友，之後一齊認識咗另一名男性，張文慈形容：「一齊認識了邨內一個好正嘅男仔，佢好好人，好照顧我哋。 」相識大半年後，慘劇發生，張文慈喺訪問講到：「佢竟然落藥在啤酒內，把我和另外一個女孩同時迷暈，然後……做咗囉……」張文慈多年後重提事件，佢無奈道：「我沒有不開心，沒有喊，只是覺得遺憾！被騙！不是因為失去身體，而是失去那份信任。 」
來源 source: http://s.nextmedia.com
|
鍾意就快D Share啦！
|
|
|
